Jan 20:19 - Di Jamiekan Nyuu Testiment

¹⁹ Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

Jan 20:19 ပူးပေါင်းရင်းမြစ်များ

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Jan 20:21

So Jiizas se tu dem wan neks taim se, “Piis! Siem laka ou di Faada sen mi iina di worl, a siem wie so mi a sen unu iin de.”

Ifiijan 2:14

Wan taim, piipl we a Juu an piipl we a no Juu did iet dem wan aneda. Bot nou, Jiizas mek di tuu a dem liv laik wan. Im brok dong di iet we dem did fiil an we did a kip dem fram wan aneda. It did komiin laik wan stuon waal. Nou, dem kyan liv tugeda, kaaz Jiizas tek di tuu a dem an mek dem iina wan gruup a piipl.

2 Tesaluoniyan 3:16

Nou mi prie se di Laad imself we gi piis, wi gi unu piis iina unu aat fi eva, no mata wa a gwaan. An mi prie se im wi tan wid di uol a unu.

Jan 7:13

Bot iina aal we did a gwaan evribadi kiba dem mout, no iivn a suol wuda se notn fi mek tu moch piipl ier wa dem tingk, kaa dem did fried a wa di Juu liida dem wuda du dem.

Maak 16:14

Afta dat Jiizas shuo imself tu im ilevn falara dem wen dem did a nyam. Im taak tu dem aad aad bout ou dem aad-iez an dem aat tof kaaz dem neva biliiv di wan dem we did si im afta im kom bak alaiv.

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

1 Korintiyan 15:5

An wen im kom bak alaiv im go an mek Siifas si im an den im twelv falara dem si im.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Iibruu 7:2

Iebriyam tek wan outa evri ten sitn we im did get iina di waar an a kyari go baka im yaad, an gi im. Nou di niem Melkezidek riili miin ‘king we du wa rait,’ bot den ‘king fi Sielem’ kyari wan difrant miinin, dat miin ‘king we mek piis.’

Filipiyan 1:2

Mi prie se Faada Gad, an wi Laad Jiizas Krais wi lov unu, iivn duo wi no dizorv it. An mi prie tu se im wi gi unu piis iina unu aat.

Ifiijan 6:23

Mi prie se Faada Gad an wi Laad Jiizas Krais wi elp aal a unu we chos iina im, fi liv iina piis an lov unu wan aneda.

Ruoman 15:33

Nou mi prie se Gad we gi piipl piis iina dem aat wi tan wid di uol a unu. Iemen!

Jan 16:22

A sed wie so it go wid unu: Unu iina pien nou, bot mi gweehn si unu agen, an unu a-go glad iina unu aat, an nobadi kyaahn go mek unu no api agen.

Matyu 18:20

Kaaz eniwe tuu ar chrii a mi falara dem gyada fi prie, mi de rait de wid dem.”

Matyu 10:13

Ef di piipl dem iina di yaad tek unu iin, an chriit unu gud, mek di piis we unu aks Gad fi gi dem, tan wid dem, bot ef dem no tek unu iin an chriit unu gud, den aks Gad fi tek it bak.

Jan 21:1

Afta dis ya Jiizas shuo imself tu im falara dem wan muo taim. Da taim ya, im du it a di Taibiiriyos Sii. Dis a wa apm:

Jan 21:14

Nou dat mek chrii taim Jiizas shuo imself tu im falara dem afta im kom bak alaiv.

Aks 1:3

Afta im did sofa an ded pan di kraas, im kom bak alaiv an shuo imself tu im apasl dem. Im pruuv tu dem iina nof difrant wie se im alaiv. Fi bout faati die im kip aan a shuo op mongks dem taim afta taim an taak tu dem bout Gad kindom.

3 Jan 1:14

Mi suun kom luk fi yu, so wi kyan sidong an chat.