Jan 20:1 - Di Jamiekan Nyuu Testiment

¹ Orli Sonde maanin, di fos die a di wiik, wen it did stil daak, Mieri Magdaliin go a di tuum an si se di stuon we did a kova di fronta di tuum did ruol we.

Jan 20:1 ပူးပေါင်းရင်းမြစ်များ

Matyu 27:56

Iina di gruup, yu did av Mieri Magdaliin, Mieri — dat a Jiemz an Juozif mada, an Zebidii bwai pikni dem mada did de de tu.

Matyu 27:60

an put it iina wan nyuu tuum — dat a did fi im uona tuum we did iina di rak. Den im ruol wan big big stuon kraas infronta di tuum.

Matyu 27:64

So tel dem sa fi mek shuor se di tuum gyaad gud gud til di tord die, so im falara dem no kom kom tek we im badi an tel di piipl dem se, ‘Im kom bak alaiv.’ Ef dem se so an chrik op piipl, dat de lai wuda wos dan di fos wan, wen im did kliem se a im a di Krais.”

Matyu 27:66

So dem lef go we wid di suoja dem, an dem maak di stuon so dem wuda nuo ef nobadi muuv it.

Matyu 28:1

Nou afta Sabat don, orli Sonde maanin, di fos die a di wiik kom, Mieri Magdaliin an di neks Mieri go fi go luk pan di tuum.

Matyu 28:2

An aal av a sodn wan wikid wikid ortkwiek shiek op di plies kaa wan a Gad ienjel dem kom dong fram evn an kom ruol we di stuon an sidong pan it.

Maak 15:46

Juozif bai som linin klaat, tek dong Jiizas badi aafa di kraas, rap im op iina di klaat an put im iina wan tuum we did dig iina wan rak. Den im ruol wan big stuon infronta di tuum.

Maak 16:9

Afta Jiizas kom bak alaiv pan di fos die a di wiik, di fos sumadi we im mek si im a Mieri Magdaliin, di uman we im did ron sevn diiman outa.

Jan 11:38

Wa Jiizas si toch im aat wan muo taim, an im go wich paat di griev did de. (Nou, di griev a did wan kiev wid wan stuon infronta it.)

Jan 11:41

So dem muuv we di stuon. Den Jiizas luk op iina di skai an se, “Faada, mi tangk yu fi lisn mi.

Jan 19:25

Jiizas mada did a tan op saida im kraas. Ar sista did de de tu, plos yu did av Mieri, Kluopas waif, an Mieri Magdaliin.

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Aks 20:7

Pan di fos die a di wiik wen wi gyada op fi brok bred, Paal staat taak tu di piipl. An kaaz im did plan fi lef di neks die, Paal priich til migl nait.

1 Korintiyan 16:2

Pan di fos die a evri wiik, unu mos pudong paat a di moni we unu mek. Unu fi pudong moni bies pan ou Gad bles unu. Da wie de unu wi av di moni pudong an wi no afi go kalek op notn wen mi riich de.

Revilieshan 1:10

Pan di die wen piipl gyada fi worship di Laad, di Uoli Spirit tek kanchuol a mi. Den mi ier wan vais baka mi, an di vais loud an klier laik wan chompit.