Jan 2:21 - Di Jamiekan Nyuu Testiment

²¹ Bot a no Gad ous Jiizas did a taak bout. A im badi im did a taak bout.

Jan 2:21 ပူးပေါင်းရင်းမြစ်များ

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.

1 Korintiyan 3:16

Unu no nuo se unu badi a Gad ous an dat im Spirit a liv iina unu?

Iibruu 8:2

An im wok az di liida fi di priis dem iina di muos uoli uoli plies, we Gad de. Da tent de a di riil tent, a di Laad put dat op — a no man!

Koloshan 2:9

Uu Jiizas bi no difrant fram uu Gad bi. Eniting we mek Gad Gad, de iina Jiizas tu, an aal wen im did de iina man faam im did tan siem laik Gad.

Koloshan 1:19

Eniting we mek Gad Gad, de iina Jiizas tu. Gad did api wid dat; a im mek it apm so.

2 Korintiyan 6:16

Faalz gad kyan de iina Gad choch? Unu badi a di ous fi di Gad we kyaahn ded. Gad imself se: “Mi wi liv iina dem aat an mi wi waak wid dem. Mi wi bi dem Gad an dem a-go bi mi piipl.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 2:22

Nou a afta Jiizas ded an kom bak alaiv im falara dem memba se im did se dem sitn de. An dem biliiv wa rait dong iina Gad wod an wa Jiizas did se.