Jan 2:18 - Di Jamiekan Nyuu Testiment

¹⁸ So di Juu liida dem aks im se, “Wa kain-a mirikl yu kyan wok fi wi? Wa kain-a sain yu kyan gi fi shuo wi se yu av di rait fi du aal a dem sitn ya?”

Jan 2:18 ပူးပေါင်းရင်းမြစ်များ

Jan 6:30

So, dem aks im se, “Wa kain-a powaful mirikl yu gweehn du fi wi so wi kyan si'it an biliiv iina yu? Wa yu a-go du?

Aks 5:28

Im se tu dem se, “Wi neva aada unu chrang chrang se unu no fi tiich nobadi bout di sitn dem we da man de niem Jiizas se unu fi tiich? Bot luk wa unu du. Unu ful op Jeruusilem wid di sitn dem we im tiich. An no onggl dat, unu chrai put fi'im blod pan wi an dem an se a wi kil im.”

Aks 4:7

Dem aada Piita an Jan fi kom tan op infronta dem an dem staat kwestiyan dem: “A uu gi unu di powa an di rait fi mek di kripl man get beta?”

Jan 1:25

Ier wa dem se tu im, “So, ef yu a no di Krais, an ef yu a no Ilaija ar di Prafit, a wa mek yu a baptaiz piipl den?”

Luuk 11:29

Wen muor an muor piipl staat fi kroud roun Jiizas, im se, “Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik wa did apm wid Juona.

Maak 8:11

Di Farisii dem kom out an staat aagyu wid Jiizas. Dem did waahn fi tes im, so dem aks im fi wan sain fi pruuv se a Gad sen im.

Matyu 21:23

Nou afta Jiizas did go bak iina di yaad we Gad ous de, wen im did a tiich, di ed priis an di elda fi di piipl dem kom tu im. Dem aks im se, “Wa rait yu av fi du dem sitn ya, an a uu gi yu di rait fi du dem?”

Jan 1:19

Wan taim, di Juu liida dem sen som priis an som a dem we elp tek kier a Gad ous fram outa Jeruusilem fi kwestiyan Jan. Dem sen dem fi aks im se, “A uu yu?” Wen Jan a ansa dem kwestiyan, im tek di chaans fi tel dem bout Gad Bwai Pikni.