Jan 19:42 - Di Jamiekan Nyuu Testiment

⁴² Nou chuu a did di die bifuo di Sabat an di tuum did de nier, dem put Jiizas badi iina it.

Jan 19:42 ပူးပေါင်းရင်းမြစ်များ

Matyu 12:40

Jos laik ou Juona did de iina di big fish beli fi chrii die an fi chrii nait, a siem so di Man we Gad Pik a-go beri diip iina di grong fi chrii die an chrii nait.

Jan 19:14

A did di aaftanuun pan di die bifuo Paasuova staat wen Pailat se tu di Juu liida dem se, “Unu si unu king ya!”

Jan 19:20

So nof a di Juu dem we liv a Jeruusilem riid di sain, kaa di plies wich paat Jiizas did get niel op did nier di siti. Di sain did rait iina Iibruu, Latn an Griik.

Jan 19:31

Nou, kaaz a did di die bifuo di Sabat an di Juu liida dem neehn waahn di ded dem fi tan pan di kraas pan di Sabat dem aks Pailat fi brok dem fut an den tek dem dong aafa di kraas. (Di Sabat we did a kom a did wan speshal Sabat.)

Jan 19:41

Wan gyaadn did de wich paat Jiizas get niel op. Iina di gyaadn, yu did av wan nyuu tuum, wan we nobadi neehn beri iina yet.

Aks 13:29

Afta di Izrel piipl dem du aal we di prafit dem se dem wuda du tu Jiizas, dem tek im badi aafa di kraas an beri it iina wan griev.

1 Korintiyan 15:4

Mi tel unu se dem beri im an wen chrii die paas im kom bak alaiv, jos laik ou Gad wod se im wuda kom bak.

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.