Jan 19:24 - Di Jamiekan Nyuu Testiment

²⁴ Di suoja dem se tu dem wan aneda se, “Mek wi no tier tier it op. Mek wi chuo dais an si uu fi get it.” Nou dis ya apm so dat wa Gad wod se wuda kom chuu. It se, “Dem shier op mi kluoz mongks dem wan aneda an dem tek dais gyambl fi mi kluoz.” So a sed ting di suoja dem du.

Jan 19:24 ပူးပေါင်းရင်းမြစ်များ

Matyu 27:35

Wen dem don niel im pan di kraas, dem chuo dais fi shier op im kluoz.

Maak 15:24

Den dem niel im pan di kraas. Di suoja dem chuo dais fi shier op im kluoz an fi fain out uu fi get wich paat.

Luuk 23:34

Jiizas se, “Faada Gad paadn dem, dem no nuo wa dem a du.” Den dem chuo dais fi shier op Jiizas kluoz.

Jan 10:35

Nou, wi nuo se wa rait dong iina Gad wod aalwiez chuu. So nou, ef Gad did se di piipl dem we im did a taak tu dem taim de a ‘gad,’

Jan 13:18

“Wa mi a se a no bout aal a unu. Mi don nuo wich wan a unu mi pik aredi. Bot wa Gad wod se afi kom chuu. It se dat, ‘Di sumadi we nyam fi mi uona bred ton gens mi.’

Jan 19:28

Afta dis, wen Jiizas si se evriting we did fi apm did apm, im se, “Mi torsti.” Im did se dat so dat wa Gad wod se wuda kom chuu.

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.