Jan 19:17 - Di Jamiekan Nyuu Testiment

¹⁷ Jiizas kyari im uona kraas go a wan plies dem kaal di Skol Plies (iina di Iibruu langwij, dem kaal it Golgota).

Jan 19:17 ပူးပေါင်းရင်းမြစ်များ

Matyu 10:38

An enibadi we no tek op dem uona kraas an fala mi, dem no fit fi bi fi mi falara.

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Matyu 27:37

Uova im ed dem put op wan sain we shuo a wa im du mek dem kil im. It se, “DIS A JIIZAS, DI JUU DEM KING.”

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Maak 15:26

Den dem rait pan wan piis a buod wa im du mek dem kil im. It riid se, “DI JUU DEM KING.”

Maak 15:32

Mek di Krais, di wan we se im a Izrel king, kom dong aafa di kraas nou mek wi si an wi wi biliiv im!” An di tuu we dem did niel pan di kraas wid im kos im out tu.

Maak 8:34

Den Jiizas kaal di kroud a piipl an im falara dem an se tu dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas, an fala mi.

Luuk 14:27

Enibadi we no kyari fi'im kraas an kom wid mi, kyaahn ton wan a mi falara dem.

Luuk 23:26

Siem taim dem a liid we Jiizas, dem grab Saiman we kom fram Sairiin, im did a kom fram konchri. Dem fuos im fi waak baka Jiizas an kyari di kraas.

Luuk 23:33

Wen dem kech a di plies we niem Di Skol, dem niel op Jiizas an di kriminal dem pan di kraas dem, wan pan di rait-an-said a Jiizas an di ada wan pan im lef.

Luuk 23:38

Wan sain did iivn uova Jiizas ed we se, “DIS A DI JUU DEM KING.”

Luuk 9:23

Den Jiizas se tu aal a dem se: “Ef sumadi waahn fi ton wan a fi mi falara dem, dem afi figet bout wa dem waahn, tek op dem kraas evridie an fala mi.

Jan 19:13

Wen Pailat ier dem se dat de, im tek Jiizas go outa duor an den im go sidong iina di joj siit we de a di plies we dem kaal “Stuon Fluor.” (Iina di Iibruu langwij it niem Gabata).

Jan 5:2

Nou, iina Jeruusilem, yu did av wan puul saida di giet we di shiip dem we go iina di siti waak chuu. Dem kaal di puul Betzata iina di Iibruu langwij, an it did av faiv kova uova waak wie bil neks tu it.

Aks 7:58

Dem ron im outa di siti an staat stuon im. An di wan dem we did a stuon im pudong dem kluoz a di fut a wan yong man we niem Saal.