Jan 19:11 - Di Jamiekan Nyuu Testiment

¹¹ Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Jan 19:11 ပူးပေါင်းရင်းမြစ်များ

Matyu 26:65

Wen di liida fi di priis dem ier dat de, im tier im kluoz an se, “Im tingk se im an Gad a wan! Im disrispek Gad! Wa wi waahn muo piipl fi pruuv notn fa? Unu ier im a dis op Gad!

Matyu 27:2

Dem tai im op, kyari im go we an an im uova gi Pailat, di govana.

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Maak 14:44

(Di wan we sel out Jiizas did gi dem wan sain se, “Di wan we mi kis a im a di man. Ares im, tek im we an gyaad im wen unu a tek im we.”)

Luuk 22:53

Evridie mi de a Gad ous wid unu, an unu neva ares mi. Bot dis a fu'unu taim an di taim wen di wan we ruul uova daaknis a wok.”

Jan 18:13

Dem tek im kyari go a Anas fos. Anas did a Kaiyafas faada-in-laa, an Kaiyafas did a di liida fi di priis dem fi da ier de.

Jan 18:3

So Juudas kom a di plies wid wan gruup a suoja. Di ed priis dem an di Farisii dem sen som a di man dem we gyaad Gad ous de tu. Di uol a dem go iina di gyaadn wid lamp, taach an aal saat a sitn fi fait wid.

Jan 19:10

“Yu naa taak tu mi?” Pailat se tu im. “Yu no si se mi av di powa fi let yu go ar fi mek yu ded pan di kraas?”

Jan 3:27

Bot Jan se tu dem se, “Sumadi kyan onggl av wa Gad gi dem.

Jan 7:30

Wen dem ier dis ya dem chrai fi grab im, bot nobadi no toch im, kaaz a neehn fi im taim fi dem kil im yet.

Jan 9:41

So Jiizas tel dem se, “Ef unu did blain, unu wudn gilti a no sin, bot chuu unu se unu kyan si, unu gilti.”

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Aks 4:28

Dem kom tugeda fi du aal wa yu did don plan se wuda apm an it apm da wie de kaaz a yu powa an kaaz dat a wa yu did waahn fi apm.

Ruoman 11:36

Kaaz a Gad mek evriting! A im kaaz evriting fi liv an evriting mek fi sorv im. Gad fi get priez fi eva an eva! Iemen!

Ruoman 13:1

Evribadi mos du wa di govament se kaaz nobadi kyaahn ruul ef Gad neva gi dem di powa fi ruul. So di piipl dem we a ruul uova unu, a Gad put dem de.

Jiemz 1:17

Evri gud sitn — di sitn dem we no av notn bad bout dem — kom fram Faada Gad we mek aal a di lait dem we iina di skai. Bot im no tan laik di lait dem we im mek. Dem eva a chienj, bot im no chienj op chienj op.

Jiemz 4:17

So enibadi we nuo di rait sitn we dem fi du an no du it, a sin dem a sin.