Jan 18:4 - Di Jamiekan Nyuu Testiment

⁴ So Jiizas nou, chuu im did don nuo wa did a go apm tu im, waak op tu dem an aks dem se, “A uu unu a luk fa?”

Jan 18:4 ပူးပေါင်းရင်းမြစ်များ

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Matyu 26:21

An wen dem de de a nyam a gwaan, im se tu dem se, “Mi tel unu dis, an a chuu mi a taak, wan a unu a-go sel mi out.”

Matyu 26:31

Den Jiizas se tu dem se, “Tinait, tinait, di uol a unu a-go ron we lef mi siek-a wa a-go apm tu mi, kaa it rait dong iina Gad wod se: “‘Mi a-go lik dong di shepad, an aal a di shiip dem a-go ron aal bout di plies.’

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Jan 13:11

(Im se so, kaa im did don nuo di wan we did a go sel im out. A dat mek im se, “A no aal a unu kliin”.)

Jan 18:5

“Jiizas we kom fram Nazaret,” dem se. “A mi dat,” Jiizas se tu dem. (Nou Juudas, di wan we sel im out did a tan op de wid dem.)

Jan 18:7

Den Jiizas aks dem wan neda taim se, “A uu unu a luk fa?” An dem se agen se, “Wi a luk fi Jiizas we kom fram Nazaret.”

Jan 19:28

Afta dis, wen Jiizas si se evriting we did fi apm did apm, im se, “Mi torsti.” Im did se dat so dat wa Gad wod se wuda kom chuu.

Jan 6:64

Bot, som a unu no biliiv.” (Jiizas se dem sitn ya, kaa fram di staat, im did nuo di wan dem we neehn chos iina im, plos di wan we did a-go ton im uova tu im enimi dem.)

Aks 2:28

Yu shuo mi wa mi fi du so dat mi kyan riili liv. An kaaz yu de ya wid mi, yu wi mek mi aat wel api.’

1 Piita 4:1

Sins Krais Jiizas sofa wen im did a waak pan da ort ya, a siem wie unu fi get unu main redi fi sofa tu. Kaaz enibadi we staat sofa so, a ton dem ton dem bak pan sin.