Jan 18:38 - Di Jamiekan Nyuu Testiment

³⁸ “Di chuut, a wa dat?” Pailat aks im. Afta Pailat aks Jiizas dis ya, im go out fi taak tu di Juu dem wan neks taim. Im se tu dem, “Mi no si notn we mi fi chaaj im fa.

Jan 18:38 ပူးပေါင်းရင်းမြစ်များ

Matyu 27:24

Wen Pailat si se im neva did a go no we wid dis ya, bot did onggl a rail op di kroud muo, im tek waata wash im an infronta dem an se, “A no mi mek da man ya ded. Fi'im blod de pan fu'unu ed!”

Maak 15:14

Pailat aks dem se, “Wa mek? Wa im du rang?” Bot dem baal out louda, “Kil im pan di kraas!”

Luuk 23:4

Den Pailat tel di ed priis dem an di kroud se, “Mi no fain no riizn fi chaaj da man ya.”

Jan 18:33

Pailat den go bak iina di palis, im sen fi Jiizas an aks im se, “Yu a di Juu dem king?”

Jan 19:4

So wan neda taim, Pailat kom out tu di Juu dem an se, “Unu luk, si mi a tek im out tu unu ya, so unu kyan si se mi no fain se im du notn rang!”

Jan 19:6

Wen di ed priis dem an dem we gyaad Gad ous si im dem shout out, “Niel im op pan di kraas mek im ded! Niel im op!” So Pailat se tu dem se, “Unu tek im niel im op unuself! Mi no si im du notn rang.”

Aks 17:32

Wen dem ier se man ded an kom bak alaiv, som a dem laaf an aal tek im mek preke, bot som a dem se, “Wi wi ier som muor bout dis fram yu wan neks taim.”

1 Piita 1:19

Bot Gad siev unu wid Krais Jiizas preshos blod, preshos laik wan biebi shiip we neva du notn rang at aal at aal; wan biebi shiip we naa no maak ar no kot ar notn laka dat.