Jan 18:37 - Di Jamiekan Nyuu Testiment

³⁷ “So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 18:37 ပူးပေါင်းရင်းမြစ်များ

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

Maak 14:62

“Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 15:2

So Pailat aks im se, “Yu a di Juu dem king?” Jiizas ansa im se, “A yu se so.”

Luuk 22:70

Aal a dem aks im se, “So yu a Gad pikni?” Jiizas ansa an se, “A yu se so.”

Luuk 23:3

Pailat aks Jiizas se, “Yu a di Juu dem king?” Jiizas ansa im se, “A yu se so.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 3:32

Im taak bout we im si an ier, bot nobadi no biliiv wa im se.

Jan 7:17

Ef sumadi mek op dem main fi du wa Gad waahn dem fi du, dem a-go fain out ef a riili Gad gi mi wa fi tiich ar ef a mi jos a taak fi miself.

Jan 8:14

So Jiizas se tu dem se, “Aal ef mi did a taak bout miself, we mi a se chuu, kaa mi nuo we mi kom fram an mi nuo we paat mi a go. Bot unu no nuo we mi kom fram, an unu no nuo we paat mi a go.

Jan 8:45

Bot chuu mi tel unu di chuut, unu no biliiv iina mi.

Jan 8:46

Wich wan outa aal a unu kyan shuo se mi gilti a no sin? Ef mi de tel unu di chuut, wa mek unu no biliiv mi?

Jan 8:47

Dem we bilang tu Gad ier wa Gad se. Unu kyaahn si chuu we mi a se, kaa unu no bilang tu Gad.”

1 Timoti 6:13

Infronta Gad we gi evriting laif an Jiizas Krais we tan op tu Ponchos Pailat an se wa im biliiv, mi a tel yu

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

1 Jan 2:21

Mi neva did rait tu unu kaaz unu neehn nuo di chuut, bot kaaz unu nuo it aredi, an no lai kyaahn kom fram di chuut.

1 Jan 3:14

Wi nuo se wi no ded no muor, a liv wi staat liv ya nou. Wi nuo dis kaaz wi lov ada piipl. Aal a uu no lov dem breda an sista, dem ded siem wie.

1 Jan 3:19

Siek-a ou wi lov wi breda an sista, a so wi nuo fi shuor se wi av di riil mesij, so wi kyan tan op infronta Gad an wi kanchens no bada wi.

1 Jan 4:6

Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Revilieshan 3:14

An den im se, “Rait da leta ya go gi di liida fi di choch we iina Leyodiisiya an tel im se: Da mesij ya a kom fram di wan we niem di Iemen, di wan we aalwiez shuo wi di chuut bout Gad, an a im Gad yuuz fi mek evriting.