Jan 18:33 - Di Jamiekan Nyuu Testiment

³³ Pailat den go bak iina di palis, im sen fi Jiizas an aks im se, “Yu a di Juu dem king?”

Jan 18:33 ပူးပေါင်းရင်းမြစ်များ

Jan 19:12

Fram da taim de, Pailat chrai an chrai fi let im go. Bot di Juu liida dem did kip aan a shout an se, “Ef yu mek da man ya get we, yu an Siiza a no fren! Enibadi we se dem a king a fait gens Siiza.”

Jan 19:3

Dem go op tu im, uova an uova agen an se tu im se, “Manaz an rispek tu di Juu dem King!” An dem baks im iina im fies uova an uova agen.

Jan 18:37

“So yu a king, den?!”, Pailat aks im. Jiizas ansa im an se, “ ‘King,’ a di wod yu yuuz. A dis mi did baan fa; a dis ya mek mi kom iina di worl: fi taak tu piipl bout di sitn dem we riili chuu. Evribadi we lov di chuut lisn we mi se.”

Jan 12:13

So dem tek som paam chrii branch an go fi miit im, an dem shout out loud loud se, “Priez Gad!” “Gad bles di wan we im sen kom! im sen im wid fi'im powa!” “Gad bles di wan we a king iina Izrel!”

Maak 15:2

So Pailat aks im se, “Yu a di Juu dem king?” Jiizas ansa im se, “A yu se so.”

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

1 Timoti 6:13

Infronta Gad we gi evriting laif an Jiizas Krais we tan op tu Ponchos Pailat an se wa im biliiv, mi a tel yu

Jan 19:9

So im go bak iina im palis an aks Jiizas se, “Wich paat yu kom fram?” Bot Jiizas no ansa im.

Jan 12:15

“No fried, piipl we liv a Zaiyan; ku de, yu King a kom, im sidong pan wan yong dangki.”

Jan 1:49

Wen Nataniyel ier Jiizas se dat de, im se, “Rabai! Tiicha! Yu a Gad Bwai Pikni fi chuu! Yu a di King we ruul uova Izrel!”

Matyu 27:27

Den di govana suoja dem tek Jiizas wich paat di govana liv an kaal op di ada suoja dem fi gyada op roun im.

Luuk 23:2

Dem staat tel bier lai pan Jiizas se, “Wi kech da man ya a chrai fi mek di piipl dem go gens di govament. Im waahn wi fi tap pie taks tu Siiza di Ruoman ruula an kliem se im a Krais — bout im a King.”

Jan 18:34

“Yu a se dis ya pan yu uon,” Jiizas aks im bak, “ar ada piipl taak tu yu bout mi?”

Jan 18:38

“Di chuut, a wa dat?” Pailat aks im. Afta Pailat aks Jiizas dis ya, im go out fi taak tu di Juu dem wan neks taim. Im se tu dem, “Mi no si notn we mi fi chaaj im fa.

Jan 19:4

So wan neda taim, Pailat kom out tu di Juu dem an se, “Unu luk, si mi a tek im out tu unu ya, so unu kyan si se mi no fain se im du notn rang!”