Jan 18:28 - Di Jamiekan Nyuu Testiment

²⁸ Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Jan 18:28 ပူးပေါင်းရင်းမြစ်များ

Jan 19:9

So im go bak iina im palis an aks Jiizas se, “Wich paat yu kom fram?” Bot Jiizas no ansa im.

Jan 18:33

Pailat den go bak iina di palis, im sen fi Jiizas an aks im se, “Yu a di Juu dem king?”

Jan 19:14

A did di aaftanuun pan di die bifuo Paasuova staat wen Pailat se tu di Juu liida dem se, “Unu si unu king ya!”

Matyu 27:27

Den di govana suoja dem tek Jiizas wich paat di govana liv an kaal op di ada suoja dem fi gyada op roun im.

Aks 3:13

Di Gad fi Iebriyam, Aizak, an Jiekob, di Gad fi wi faada faada dem, im big op an gi nof rispek tu im sorvant Jiizas. A da siem Jiizas de unu gi op, an ton unu bak pan im infronta Pailat, iivn duo Pailat did mek op im main fi let im go.

Jan 11:55

Wen a did nieli taim fi di Juu piipl dem Paasuova Alidie, uol iip a dem lef konchri an go op a Jeruusilem so dem kuda get demself kliin an redi fi di alidie.

Aks 11:3

Dem se tu im se, “Yu go a di ous a piipl we a no Juu an iit wid dem?”

Aks 10:28

So Piita se tu dem, “Aal a unu nuo se azkaadn tu di Juu dem Laa, it no rait fi wan Juu av notn fi du wid piipl we a no Juu, ar fi go a dem yaad. Bot Gad shuo mi se mi no fi luk pan nobadi an tingk se dem no kliin ar se it rang fi mi kip kompni wid dem.

Jan 18:39

Bot a di naamal ting fi mi frii wan prizna gi unu wen a Paasuova taim. Unu waahn mi le'go di Juu dem King gi unu?”

Luuk 22:66

Wen maanin kom, di gruup we mek op a di ed priis an di Laa tiicha dem, miit op, an gi aada fi Jiizas kom bifuo dem.

Maak 15:16

So di suoja dem liid im go iina di palis (dat a di govana yaad) an kaal op di ada suoja dem we iina dem gruup.

Jan 18:13

Dem tek im kyari go a Anas fos. Anas did a Kaiyafas faada-in-laa, an Kaiyafas did a di liida fi di priis dem fi da ier de.

Jan 18:15

Saiman Piita an wan neks wan a Jiizas falara dem waak baka di suoja an gyaad dem, wen dem did a kyari Jiizas go a Anas. (Nou, da ada falara ya did nuo di liida fi di priis dem, an siek-a dat, im fala dem wen dem kyari Jiizas go a di liida fi di priis dem yaad.)

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Aks 4:27

Wi nuo fi shuor se a so it go, kaaz Erad, Ponchos Pailat, piipl we a no Juu, an di Izrel piipl miit op iina da siti ya an plan fi kil Jiizas, yu sorvant we uoli.

Aks 10:32

Nou sen som man go a Japa fi wan man niem Saiman, we dem kaal Piita. Im a stie a Saiman yaad, di wan we mek leda an we liv a di sii-said.’