Jan 18:25 - Di Jamiekan Nyuu Testiment

²⁵ Nou Saiman Piita did stil tan op a waam op imself, so di piipl dem roun di faiya aks im se, “Yu a no wan a im falara dem tu?” Bot im tel dem nuo. “Mi a no wan a dem,” im se.

Jan 18:25 ပူးပေါင်းရင်းမြစ်များ

Matyu 26:69

Nou Piita did a sidong out iina di yaad we di liida fi di priis dem liv. Wan sliev gyal kom op tu im an se, “Di man fram Gyalalii, Jiizas, yu did de mongks im tu.”

Maak 14:66

Piita did stil de iina di yaad wen wan sliev gyal fi di liida fi di priis dem kom wich paat im de.

Luuk 22:55

Den dem bil wan faiya iina di migl a di kuotyaad an sidong tugeda, an Piita sidong wid dem.

Luuk 22:56

Wan sorvant gyal si Piita a sidong iina di faiya-lait. Shi luk pan im gud an se, “Da man ya did de mongks im tu!”

Luuk 22:57

Bot Piita se a lai shi a tel. “Uman, mi no nuo im,” Piita se.