Nou di piipl dem we ares Jiizas, tek im kyari im go a Kaiyafas. Im did a di liida fi di priis dem, an a fi im ous di Laa tiicha an elda dem did gyada op.
Saiman Piita an wan neks wan a Jiizas falara dem waak baka di suoja an gyaad dem, wen dem did a kyari Jiizas go a Anas. (Nou, da ada falara ya did nuo di liida fi di priis dem, an siek-a dat, im fala dem wen dem kyari Jiizas go a di liida fi di priis dem yaad.)