Jan 18:18 - Di Jamiekan Nyuu Testiment

¹⁸ (Nou it did wel kuol, an so di sorvant dem an di ed priis gyaad dem did a tan op roun wan faiya we dem did mek fi kip dem waam. Piita did tan op de wid dem tu, a waam op imself.)

Jan 18:18 ပူးပေါင်းရင်းမြစ်များ

Maak 14:54

An Piita did de likl forda aaf a fala Jiizas aal di wie tu di liida fi di priis dem yaad. So Piita go sidong wich paat di gyaad dem de an did a mek di faiya kip im waam.

Maak 14:67

Wen shi si im a waam imself a di faiya-said, shi luk pan im gud gud an se, “Yu did de mongks Jiizas we kom fram Nazaret.”

Luuk 22:44

Jiizas did a sofa an dat mek im prie aada. Im swet komiin laik blod a jrap a grong.

Jan 18:25

Nou Saiman Piita did stil tan op a waam op imself, so di piipl dem roun di faiya aks im se, “Yu a no wan a im falara dem tu?” Bot im tel dem nuo. “Mi a no wan a dem,” im se.

Jan 18:3

So Juudas kom a di plies wid wan gruup a suoja. Di ed priis dem an di Farisii dem sen som a di man dem we gyaad Gad ous de tu. Di uol a dem go iina di gyaadn wid lamp, taach an aal saat a sitn fi fait wid.

Jan 21:9

Wen dem riich iin, dem si kuol faiya wid fish an bred pan it.

Aks 4:23

Afta dem get let go Piita an Jan go bak tu di ada piipl we biliiv iina Jiizas an go tel dem evriting we di liida fi di priis dem an di elda dem se tu dem.

1 Korintiyan 15:33

No mek dem fuul unu, “Ef yu kip fren wid wikid piipl, dem wi kaaz yu fi ton we fram we yu nuo rait, an mek yu du wikid sitn tu.”