Jan 18:15 - Di Jamiekan Nyuu Testiment

¹⁵ Saiman Piita an wan neks wan a Jiizas falara dem waak baka di suoja an gyaad dem, wen dem did a kyari Jiizas go a Anas. (Nou, da ada falara ya did nuo di liida fi di priis dem, an siek-a dat, im fala dem wen dem kyari Jiizas go a di liida fi di priis dem yaad.)

Jan 18:15 ပူးပေါင်းရင်းမြစ်များ

Luuk 22:54

Dem grab Jiizas, an tek im we go a di liida fi di priis dem ous. Piita fala dem bot no tuu kluos.

Maak 14:54

An Piita did de likl forda aaf a fala Jiizas aal di wie tu di liida fi di priis dem yaad. So Piita go sidong wich paat di gyaad dem de an did a mek di faiya kip im waam.

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Jan 18:24

Den Anas sen Jiizas go a Kaiyafas, di liida fi di priis dem. Im did stil av Jiizas tai op.

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.