Jan 18:13 - Di Jamiekan Nyuu Testiment

¹³ Dem tek im kyari go a Anas fos. Anas did a Kaiyafas faada-in-laa, an Kaiyafas did a di liida fi di priis dem fi da ier de.

Jan 18:13 ပူးပေါင်းရင်းမြစ်များ

Matyu 26:3

Den di ed priis an di Juu elda dem miit op wich paat di liida fi di priis dem liv — di liida fi di priis dem did niem Kaiyafas.

Matyu 26:57

Nou di piipl dem we ares Jiizas, tek im kyari im go a Kaiyafas. Im did a di liida fi di priis dem, an a fi im ous di Laa tiicha an elda dem did gyada op.

Luuk 3:2

Anas an Kaiyafas a did liida fi di priis dem. Iina da siem taim de Jan, Zakaraiya bwai pikni, did de iina di dezot an get wan mesij fram Gad.

Jan 11:49

Den wan a di liida dem we niem Kaiyafas, an we did a di liida fi di priis dem da ier de, taak op an se, “Unu no nuo a ting!

Jan 11:51

(Nou, Kaiyafas neehn se dat pan im uon so, bot chuu im did a di liida fi di priis dem da ier de, im se Jiizas wuda ded fi di Juu piipl dem bifuo it iivn apm.

Jan 18:24

Den Anas sen Jiizas go a Kaiyafas, di liida fi di priis dem. Im did stil av Jiizas tai op.

Jan 18:28

Orli di neda maanin, di Juu liida dem tek Jiizas fram Kaiyafas ous an kyari im go a di palis we bilang tu Pailat, di man di Ruoman dem put inchaaj a Judiya. Di Juu dem neehn go insaid im yaad, kaa dem did waahn fi kip demself kliin iina Gad yai so dat dem kuda get fi nyam di Paasuova fuud.

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Aks 4:6

Anos di liida fi di priis dem, Kaiyafas, Jan, Aligzanda, an di ada man dem fram di liida fi di priis fambili did de de tu.