Jan 18:11 - Di Jamiekan Nyuu Testiment

¹¹ Bot Jiizas se tu Piita se, “Put bak yu suod iina it kies! Mi no fi jringk outa di kop we mi Faada gi mi fi jringk outa? Mi no fi sofa?”

Jan 18:11 ပူးပေါင်းရင်းမြစ်များ

Matyu 20:22

So Jiizas se tu ar se, “Yu no nuo wa yu a aks mi se! Unu kyan jringk wa mi bout fi jringk? A sofa mi a-go sofa yu no.” Di bwai dem se, “Ye, wi kyan du dat!”

Matyu 26:39

Jiizas go out likl forda an dash imself a grong, ton dong im fies an im prie. Im se, “Mi Faada, ef yu kyan dwi'it, du, tek da kop ya fram mi! Bot a no wa mi waahn stil, a wa yu waahn.”

Matyu 26:42

Im go we wan sekan taim go prie. Im se, “Mi Faada, ef dis a di onggl wie, an mi afi jringk fram da kop ya, den mi afi du wa yu waahn.”

Luuk 12:30

Di piipl dem we a no Juu ron aafa dem de sitn de. Unu Faada nuo se unu kyaahn du widout dem.

Luuk 22:42

“Faada, ef yu waahn fi dwi'it, tek da kop ya fram mi, bot ef a no dat yu waahn, aarait den.”

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 18:36

So Jiizas se tu im se, “Mi no ruul laka di king dem we de iina di worl. Ef mi did ron tingz laka dem, mi sorvant dem wuda tek op fi mi an fait fi mek dem no ares mi an gi mi uova tu di Juu liida dem. Bot mi no ruul laka di king dem iina di worl.”

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

2 Korintiyan 10:4

Kaaz di sitn dem we wi fait wid, a no di siem kain-a sitn we di worliyan dem fait wid. No man neva mek di sitn dem we wi yuuz; di sitn dem we wi yuuz fi fait, a Gad mek dem an im gi dem di powa fi mash dong eniting we di enimi chrai fi bil op gens wi. Wi mash op dem aagiment,

2 Korintiyan 6:7

Wi onggl tiich di chuut an Gad powa a wok iina wi. An siem laik ou suoja yuuz di wepan iina dem lef an fi protek demself an di wan iina dem rait an fi fait di piipl dem we a kom gens dem a siem so di gud we wi du wi fait an protek wi fram evriting we wuda kom gens wi.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.