Jan 17:9 - Di Jamiekan Nyuu Testiment

⁹ “Mi a prie fi dem. Mi naa prie fi di worliyan dem. Mi a prie fi dem we yu gi mi, kaa dem a fi yu.

Jan 17:9 ပူးပေါင်းရင်းမြစ်များ

Luuk 22:32

Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

Luuk 23:34

Jiizas se, “Faada Gad paadn dem, dem no nuo wa dem a du.” Den dem chuo dais fi shier op Jiizas kluoz.

Luuk 8:34

Wen di man dem we luk aafa di ag dem si wa apm, dem ron go pred di nyuuz iina di toun an di plies dem we de nier di toun tu.

Jan 14:16

An mi a-go aks mi Faada fi sen wan neda sumadi fi elp unu an de wid unu aal di taim.

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Jan 17:20

“Mi naa prie fi dem falara ya wan. Mi a prie fi dem we a-go biliiv iina mi wen dem ier wa dem falara ya se.

Jan 17:6

“Di piipl dem fram outa di worl we yu gi mi, mi shuo dem a uu yu bi. Dem did a fi yu bot yu gi mi dem, an dem fala we yu tel dem fi du.

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

1 Jan 5:19

Wi nuo se wi bilang tu Gad an dat di devl kanchuol di uol worl.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.