Jan 17:4 - Di Jamiekan Nyuu Testiment

⁴ Mi shuo piipl pan ort ou yu big an powaful, wen mi du di wok we yu did gi mi fi du.

Jan 17:4 ပူးပေါင်းရင်းမြစ်များ

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

2 Timoti 4:7

Mi wok aad fi Gad; mi fait fi wa mi biliiv iina. Mi priich Gad wod an du aal a wa Gad tel mi fi du; mi ron da ries ya til it don an no gi op. Mi a-go sorv im til mi ded.

Jan 19:30

Wen im get di wain, im se, “It don nou.” Den im ben dong im ed an put im spirit iina Gad an an ded.

Jan 14:31

Mi onggl a du wa mi Faada tel mi fi du, so dat di piipl dem iina di worl kyan nuo se mi lov mi Faada. “Kom! Mek wi lef go we fram da plies ya.”

Jan 15:10

Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 14:13

An mi wi du eniting unu aks fa kaa unu a mi falara. Mi gweehn dwi'it so dat di Bwai Pikni kyan get fi shuo ou di Faada big an powaful.

Jan 12:28

Faada, big op yuself an yu niem!” Den wan vais fram outa di skai se, “Mi big it op aredi, an mi gweehn big it op wan neda taim.”

Jan 9:3

“Da man ya neehn sin,” Jiizas se tu dem, “Im mada an faada neehn sin niida. Im baan blain so piipl kyan si Gad du som powaful sitn iina im laif.

Jan 5:36

“Bot sitn els de de we shuo uu mi bi an it wot muo dan we Jan se bout mi. A di sopm dem we mi Faada gi mi fi du — di siem wan dem we mi a du nou — a dem shuo se a di Faada sen mi kom.

Luuk 22:37

Mi a tel unu, it rait dong se, ‘An dem kaal out im niem wid aal di kriminal dem.’ Wa rait dong, afi apm. A mi it a taak bout an it a gwaan rait ya nou an it a-go don suun suun.”

Jan 19:28

Afta dis, wen Jiizas si se evriting we did fi apm did apm, im se, “Mi torsti.” Im did se dat so dat wa Gad wod se wuda kom chuu.