Jan 17:25 - Di Jamiekan Nyuu Testiment

²⁵ “Faada, we eva du rait, iivn duo di piipl dem iina di worl no nuo yu, mi nuo yu, an dem piipl ya nuo se a yu sen mi kom ya.

Jan 17:25 ပူးပေါင်းရင်းမြစ်များ

Matyu 11:27

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.

Matyu 16:16

Saiman Piita se, “Yu a di Krais, di Gad we alaiv Bwai Pikni.”

Luuk 10:22

“Mi Faada gi mi evriting. A onggl di Faada wan riili nuo di Bwai Pikni. An nobadi no riili nuo di Faada, onggl di Bwai Pikni wan an enibadi els we di pikni waahn fi mek nuo di Faada.”

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Jan 10:15

— siem laka ou di Faada nuo mi an mi nuo di Faada. An mi gi op mi laif fi mi shiip dem.

Jan 15:21

Bot dem a-go du aal a dem sitn ya tu unu chuu unu a fi mi, an kaa dem no nuo di wan we sen mi kom ya.

Jan 16:27

Nuo, kaa mi Faada lov unu, kaaz unu lov mi an unu biliiv se a Gad mi kom fram.

Jan 16:3

Dem a-go du aal a dem sitn ya, kaa dem no nuo mi ar mi Faada.

Jan 16:30

A nou wi nuo se yu nuo evriting, an yu no niid nobadi fi aks yu notn. Siek-a dat, wi biliiv se a Gad sen yu kom iina di worl.”

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Jan 17:18

Siem laka ou yu sen mi kom iina di worl, a siem wie so mi sen dem iina di worl.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Jan 17:23

mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 3:17

Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.

Jan 6:19

Afta dem ruo an ruo fi bout chrii ar fuo mail, dem si Jiizas a waak pan di waata a kom a di buot. An dem kech dem fried!

Jan 7:29

bot mi nuo im, kaa mi kom fram im an a im sen mi kom ya.”

Jan 8:19

“So den, we paat yu Faada de?” di Farisii dem aks im. “Unu no nuo mi ar mi Faada,” Jiizas se tu dem. “Ef unu did nuo mi, unu wuda nuo mi Faada tu.”

Jan 8:55

Unu no nuo im, bot mi nuo im. Ef mi did fi se mi no nuo im, mi wuda lai laik unu. Bot mi nuo im, an mi du wa im se.

Aks 17:23

Kaaz wen mi did a muuv roun an a tek a gud luk pan di plies dem we unu go worship, mi aal si wan alta wid dem wod ya rait dong pan it, ‘Tu di Gad we wi no nuo.’ Wel di wan we unu worship an no nuo bout, a im mi a tel unu bout.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

Ruoman 3:11

Nobadi no riili nuo we rait, Nobadi no riili waahn fi nuo Gad.

Ruoman 3:26

Bot iina dem ya taim ya Gad naa go tek taim wid piipl, im a-go ponish dem fi di rang we dem du. Wen im sen Jiizas im shuo wi se im aalwiez du we rait an dat im wi mek tingz rait bitwiin im an piipl, aal dem afi du fi get dem sin dem paadn, a fi biliiv iina Jiizas.

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

1 Korintiyan 15:34

Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Iibruu 8:11

Nobadi naa go afi tiich dem nieba agen, ar dem breda ar sista dem se dem fi, ‘nuo di Laad.’ Kaaz evribadi a-go nuo mi aredi, fram di liklis wan tu di tap-a-tap.

1 Jan 1:9

Bot ef wi si se wi sin an beg Gad paadn, wi kyan nuo fi shuor se Gad wi paadn wi an wash we aal a wi sin dem.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Revilieshan 16:5

Den mi ier di ienjel we inchaaj a di waata se tu Gad se: “Yu a di Uoli Gad, di wan we liv, di wan we de bout fram wie bak wen, an we eva liv. Yu fier, an yu joj di piipl dem pan di ort ou dem fi get joj,