Jan 17:24 - Di Jamiekan Nyuu Testiment

²⁴ “Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 17:24 ပူးပေါင်းရင်းမြစ်များ

Matyu 25:21

“Im maasta se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:23

“Di maasta se tu im se, ‘Yu du gud mi sorvant! Yu a wan gud sorvant an mi kyan chos yu. Yu tek gud kier a wan likl sitn, so mi a-go mek yu tek chaaj a biga tingz! Kom kom nyam fuud an daans an praans wid mi.’

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 26:29

Ier wa mi a se, mi naa jringk no muo wain til da die de kom wen mi jringk it wid unu wan nyuu wie iina mi Faada Kindom.”

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Luuk 23:43

Jiizas se tu im se, “Mi a tel yu di chuut, tide yu a-go de wich paat mi de iina Paradais.”

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

Jan 15:9

Mi lov unu jos laka ou mi Faada lov mi. No ton we fram di lov we mi av fi unu.

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Jan 17:22

Mi gi dem di uol iip a rispek yu did gi mi so dat dem kyan kom wan jos laka ou mi an yu a wan:

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 6:37

Evribadi we di Faada gi mi a-go kom tu mi, an mi naa go ron dem.

Jan 6:39

An a dis di wan we sen mi waahn: im waahn mi fi no mek non a di piipl dem we im gi mi laas; im waahn mi fi mek dem kom bak alaiv pan di laas die.

Jan 8:58

So Jiizas se tu dem se, “Mi de tel unu fi chuu chuu se bifuo Iebriyam did baan, mi de bout!”

1 Korintiyan 13:12

Kaaz jos laik ou wen wi luk pan wiself iina wan shain piis a metal, wi kyaahn mek out evriting, a siem so wi tan nou. Wi nuo som tingz bot wi no nuo evriting. Bot wan die wi a-go si Gad fies tu fies an den wi wi nuo an andastan evriting we de de fi nuo bout Gad. Jos laik ou Gad nuo evriting bout wi.

2 Korintiyan 3:18

An so aal a wi we bilang tu Jiizas, fi wi fies no kova op an wi kyan luk pan di Laad brait brait lait. An di Uoli Spirit we a di Laad kaaz wi fi shain brait brait tu. An muor an muor im a mek wi laik imself, til wan die wi a-go luk jos laik im.

2 Korintiyan 4:6

Di Gad we se, “Mek di lait shain iina di daak,” a im siem wan mek im lait shain iina wi aat so dat wi kyan andastan umoch im lov wi an ou powaful im bi. An wi onggl get fi andastan dem sitn de wen wi biliiv iina Krais Jiizas.

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

Filipiyan 1:23

Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.

1 Tesaluoniyan 4:17

Den wi we stil a liv, an we de pan ort siem wie, wi an dem a-go get tek op iina di kloud dem fi miit di Laad iina di ier an a so wi a-go en op de wich paat di Laad de fi eva.

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

1 Jan 3:2

Mi fren, wi a Gad pikni nou an wi no nuo evriting bout ou wi laif gweehn tan lieta, bot wi nuo se wen Krais Jiizas kom bak, wi gweehn tan siem laik im, kaaz wi a-go si im jos laik ou im tan.

Revilieshan 21:22

Mi neehn si Gad ous iina di siti, kaaz di Laad Gad we nobadi no powaful laik an di Biebi Shiip, a dem a Gad ous.

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.