Jan 17:23 - Di Jamiekan Nyuu Testiment

²³ mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Jan 17:23 ပူးပေါင်းရင်းမြစ်များ

Jan 10:38

Bot ef mi du wa im tel mi fi du, duo unu no biliiv mi siek-a wa mi tel unu, at liis biliiv mi siek-a di mirikl dem we mi du, so dat unu kyan nuo an andastan se di Faada iina mi, an mi iina di Faada.”

Jan 13:35

Wen unu lov unu wan aneda, a so piipl gweehn nuo se unu a fi mi falara.”

Jan 14:10

Yu no biliiv se mi liv iina di Faada, an di Faada liv iina mi? Di sitn dem we mi se mi no jos se dem aafa mi uon. A di Faada we liv iina mi a du im wok.

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Jan 15:9

Mi lov unu jos laka ou mi Faada lov mi. No ton we fram di lov we mi av fi unu.

Jan 16:27

Nuo, kaa mi Faada lov unu, kaaz unu lov mi an unu biliiv se a Gad mi kom fram.

Jan 17:11

“Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Jan 17:21

Faada, mi prie se aal a dem kom tugeda iina wan, siem laka ou yu liv iina mi an mi liv iina yu. An mi prie tu se dem wi liv iina mi an yu, so dat di worliyan dem kyan biliiv se a yu sen mi kom.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 17:26

Mi mek dem nuo yu, an mi a-go gwaan mek dem nuo yu, so dat dem mait-a kyan lov dem wan aneda siem laka ou yu did lov mi, an so mi kyan liv iina dem.”

Jan 17:3

Fi liv fi eva miin se dem nuo yu, di onggl wan we a riili Gad, an dat dem nuo Jiizas Krais, di wan yu sen kom.

Jan 17:8

kaa mi tel dem bak evriting we yu tel mi an dem biliiv it. Dem nuo fi shuor se a yu mi kom fram an dem biliiv se a yu sen mi kom.

Jan 3:17

Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.

Jan 6:56

Enibadi we nyam mi badi an we jringk mi blod kluos tu mi, an mi kluos tu dem.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Filipiyan 3:15

So aal a wi we tingk di wie Krais Jiizas waahn wi fi tingk, wi fi gwaan tingk da wie de. Bot ef non a unu no si tingz da wie de, Gad wi shuo unu an mek unu andastan wa mi se.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

Koloshan 2:2

Mi a wok aad, so dat unu aat no jrap wen unu kom kraas prablem, an dat unu kyan kom tugeda an lov unu wan aneda. Da wie de Gad wi bles unu an mek unu get fi nuo an riili andastan di chuu mesij — di mesij bout Gad siikrit, an Gad siikrit a Krais Jiizas.

Koloshan 3:14

An pan tap a aal a wa mi se, unu fi put aan lov. A lov bring di uol a dem tugeda laik se dem a onggl wan sitn — an a so it fi go.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

1 Jan 4:19

Wi lov wan aneda kaaz Gad lov wi fos.

Revilieshan 3:9

Lisn! A gweehn mek di laiyad piipl dem we bilang tu Sietan choch, we se dem a Juu wen dem a no no Juu — a gweehn mek dem kom lidong a unu fut wid dem fies a grong an mek dem andastan se mi lov unu.