Jan 17:11 - Di Jamiekan Nyuu Testiment

¹¹ “Mi naa go de iina di worl no langga. Mi a kom tu yu, bot dem stil a-go de iina di worl. Faada we uoli, yuuz yu powa an gyaad dem — di powa we yu gi mi — yuuz it an gyaad dem, so dem kyan ton wan, siem laka ou mi an yu a wan.

Jan 17:11 ပူးပေါင်းရင်းမြစ်များ

Matyu 10:16

Mi a sen unu out laik shiip mongks wulf. So waiz op laik siniek an tek it iizi laik dov.

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Matyu 6:9

“So, a so unu fi prie: “‘Wi Faada we iina evn, mek piipl av nof rispek fi yu an yu niem.

Jan 13:1

Nou a did jos bifuo di Paasuova Alidie, an Jiizas did nuo se di taim wen im wuda lef di worl an go we tu im Faada did kom. Im did lov dem we did a fi im iina di worl, an da taim ya im shuo dem ou im did riili riili lov dem.

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 17:23

mi iina dem an yu iina mi — so dem kyan komiin laka wan, an so di piipl dem iina di worl mait-a nuo se a yu sen mi kom, an dat yu lov mi falara dem siem laka ou yu lov mi.

Jan 17:25

“Faada, we eva du rait, iivn duo di piipl dem iina di worl no nuo yu, mi nuo yu, an dem piipl ya nuo se a yu sen mi kom ya.

Jan 17:6

“Di piipl dem fram outa di worl we yu gi mi, mi shuo dem a uu yu bi. Dem did a fi yu bot yu gi mi dem, an dem fala we yu tel dem fi du.

Jan 7:33

So Jiizas se, “A onggl likl bit muo taim mi gweehn de ya wid unu, an afta dat mi a-go bak tu di wan we sen mi kom ya.

Aks 3:21

Jiizas afi tan a evn til di taim kom fi Gad mek evriting nyuu. A dat Gad mek im prafit dem tel piipl fram wie bak wen.

Ruoman 12:5

a siem so, a nof a wi, bot di uol a wi mek op wan badi kaaz wi an Krais Jiizas a wan. Di uol a wi difrant bot wi jain op tugeda an wi bilang tu wi wan aneda.

Ruoman 9:17

Iina Gad wod it rait dong se Gad se tu Fiero se, “Dis a wai mi mek yu ton king: mi mek yu ton king so dat mi kuda yuuz yu fi shuo piipl ou powaful mi bi an so dat piipl aal uova di worl wuda nuo bout mi.”

1 Korintiyan 1:10

Nou iina wi Laad Jiizas Krais niem, mi a beg unu breda an sista fi tap aagyu wid unu wan aneda an plit op plit op di choch iina gruup. Unu niid fi kom tugeda an mek shuor se aal a unu tingk di siem wie an aal a unu mek op unu main fi du di siem sitn.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Ifiijan 4:4

Aal a wi a wan badi an a onggl wan Uoli Spirit de, we liv iina wi. Gad kaal aal a wi tu im di siem wie. An aal a wi we Gad kaal a luk fi get di siem sitn fram im we im kaal wi fa.

Filipiyan 2:9

Siek-a we im du, Faada Gad tek im op a evn an put im iina di tap-a-tap pozishan an gi im wan speshal niem we biga dan evri ada niem.

Iibruu 1:3

Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

Jiemz 4:4

Unu komiin laik piipl we sliip wid ada piipl waif an ozban! Unu no nuo se piipl we lov di worl iet Gad? So enibadi we mek di worl dem fren mek Gad dem enimi.

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

1 Jan 3:12

Wi no fi tan laik Kien we did mek di devl ruul im an mek im go kil aaf im breda. An wa mek yu tingk im kil im breda, iihn? Kaaz im breda du wa rait an Kien, im du wikidnis.

1 Jan 5:19

Wi nuo se wi bilang tu Gad an dat di devl kanchuol di uol worl.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Revilieshan 15:4

Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

Revilieshan 19:12

Im yai dem komiin laik wan faiya we a bliez, an im av wan uol iip a kroun pan im ed. Im av wan niem rait pan im we nobadi no nuo, onggl im wan.

Revilieshan 4:8

Evri wan a di fuo sopm dem av siks wing an di uol a dem badi plos dem siks wing dem ful op a yai. Dem av yai aal anda dem wing. Die an nait dem neva tap se: “Uoli, uoli, uoli Laad Gad a yu av aal di powa. Yu did de bout fram wie bak wen, yu aalwiez a-go de bout, an a yu a-go kom baka ort.”