Jan 16:8 - Di Jamiekan Nyuu Testiment

⁸ Wen im kom, im gweehn mek di piipl dem iina di worl nuo se dem rang bout sin, dat dem rang bout ou sumadi kyan get rait iina Gad yai an rang bout ou Gad joj piipl.

Jan 16:8 ပူးပေါင်းရင်းမြစ်များ

Juud 1:15

Im a kom fi joj evribadi. Im gweehn ponish aal di wikid piipl dem fi aal di rang sitn dem we dem du gens Gad an fi aal di taim we dem kos im out.”

Aks 2:37

Wen di piipl dem ier di sitn dem we Piita se, a laik sitn tab dem iina dem aat. So dem aks Piita an di ada apasl dem se, “Wi breda, wa wi fi du?”

1 Korintiyan 14:24

Bot ef sumadi we no biliiv ar sumadi we no nuo Gad kom iina di choch an evribadi iina di choch a kyari mesij fram Gad, wen dem ier wa unu a se dem a-go nuo di chuut an si se dem a sina. Dem wi si se dem a sin an waahn fi chienj dem wiez.

Jan 8:9

Wen dem ier we Jiizas se, dem lef go we wan afta di ada. Di uolis wan dem go we fos, an dem gwaan lef til a Jiizas wan did tan op de wid di uman.

Jan 8:46

Wich wan outa aal a unu kyan shuo se mi gilti a no sin? Ef mi de tel unu di chuut, wa mek unu no biliiv mi?

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

Jan 16:9

Dem rang bout sin, kaa dem no chos iina mi.