Jan 16:5 - Di Jamiekan Nyuu Testiment

⁵ Bot rait ya nou, mi a go tu di wan we sen mi kom ya, an non a unu no aks mi se, ‘A we paat yu a go?’

Jan 16:5 ပူးပေါင်းရင်းမြစ်များ

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 13:36

Saiman Piita aks im se, “Laad, a we yu a go?” Jiizas ansa im se, “Yu kyaahn fala mi go wich paat mi a go rait ya nou, bot yu wi kom likl muo.”

Jan 14:28

Unu ier mi tel unu se, ‘Mi a go we an mi a kom bak tu unu.’ Ef unu lov mi, unu wuda glad se mi a go a mi Faada, kaa mi Faada biga dan mi.

Jan 16:10

Dem rang bout Gad an bout uu an wa rait iina Gad yai, kaa, luk ya no, mi a go a mi Faada duo piipl tingk se mi a sina. Mi a go baka mi Faada an unu naa go si mi no muo.

Jan 16:16

“Likl bit fram nou unu naa go si mi no muo, den likl bit afta dat unu gweehn si mi.”

Jan 16:17

Wen Jiizas don se dat, som a im falara dem se tu dem wan aneda se, “A wa im miin wen im se, ‘Likl bit fram nou unu naa go si mi no muo, den likl bit afta dat unu gweehn si mi’? An wa im miin wen im se, ‘Kaa mi a go a mi Faada’?”

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 17:13

“Mi a kom a yu nou, bot mi a se aal a dem sitn ya wail mi stil iina di worl, so dat dem kyan api kyaahn don jos laka ou mi api.

Jan 17:4

Mi shuo piipl pan ort ou yu big an powaful, wen mi du di wok we yu did gi mi fi du.

Jan 6:62

Den a wa gweehn apm ef unu si di Man we Gad Pik go bak we im did de bifuo!

Jan 7:33

So Jiizas se, “A onggl likl bit muo taim mi gweehn de ya wid unu, an afta dat mi a-go bak tu di wan we sen mi kom ya.

Iibruu 1:3

Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.