Jan 16:22 - Di Jamiekan Nyuu Testiment

²² A sed wie so it go wid unu: Unu iina pien nou, bot mi gweehn si unu agen, an unu a-go glad iina unu aat, an nobadi kyaahn go mek unu no api agen.

Jan 16:22 ပူးပေါင်းရင်းမြစ်များ

Matyu 28:8

Di uman dem tek aaf kwik kwik! Dem fraitn an glad siem taim, an dem ron go tel Jiizas falara dem.

Luuk 10:42

bot a onggl wan sitn yu fi bada yuself bout. Mieri mek op ar main fi pik da wan de an nobadi naa go tap ar.”

Luuk 16:25

“Iebriyam ansa im an se, ‘Pikni, wen yu did alaiv, a bier gud sitn yu get, an a bier bad sitn riich Lazaros, nou im api an a liv aarait an yu a sofa.

Luuk 19:26

“Di King se, ‘Mi a tel unu, di wan we av, wi get muo, bot di wan we no av notn, iivn wa im av dem a-go tek we fram im.

Luuk 24:41

Dem glad so til dem kudn biliiv we dem a si. So im aks dem se, “Unu na'av notn fi iit?”

Jan 14:1

“No wori unuself. Chos iina Gad, an chos iina mi tu.

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Jan 16:16

“Likl bit fram nou unu naa go si mi no muo, den likl bit afta dat unu gweehn si mi.”

Jan 16:20

Mi a tel unu fi chuu chuu se unu gweehn ala an baal, bot di piipl dem iina di worl a-go wel api. Unu a-go sad, bot dat a-go chienj an unu a-go wel glad.

Jan 16:6

Bot unu aat evi dong, kaa mi tel unu dem sitn ya.

Jan 21:7

Den di falara we Jiizas did lov tel Piita se, “A di Laad!” Sed taim Saiman Piita ier dat de, im rap di likl kluoz we im did av aan roun im (kaa im neehn av aan notn anda it) an im jomp iina di waata.

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Aks 13:52

An di choch piipl dem did wel api an di Uoli Spirit did tek kanchuol a dem.

Aks 16:25

Roun migl nait Paal an Sailas did a prie an a sing priez tu Gad, an di ada prizna dem did a lisn.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

2 Korintiyan 6:10

Wi aalwiez api iivn wen wi a sofa. An iivn duo wi puor wi a mek nof piipl rich. Mi no miin se wi elp dem mek moni, dem rich kaaz dem biliiv iina Gad an siek-a wa im a go gi dem wen dem biliiv. A siem so wid wi, it komiin laik se wi naa notn bot wi riili av evriting kaaz wi biliiv iina Gad.

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!