Jan 16:20 - Di Jamiekan Nyuu Testiment

²⁰ Mi a tel unu fi chuu chuu se unu gweehn ala an baal, bot di piipl dem iina di worl a-go wel api. Unu a-go sad, bot dat a-go chienj an unu a-go wel glad.

Jan 16:20 ပူးပေါင်းရင်းမြစ်များ

Matyu 21:38

“Bot eh eh, wen di tenant dem si di bwai, dem se tu dem wan aneda se, ‘A da wan ya a-go get evriting wen im faada ded. Kom mek wi kil im an tek wa im wuda get.’

Matyu 5:4

Aal a uu a baal nou, Gad bles dem, kaaz di taim a-go kom wen Gad a-go osh dem an mek dem api agen.

Maak 14:72

Siem taim wan ruusta kruo, dat mek di sekan taim. Den Piita memba ou Jiizas did tel im se, “Bifuo di ruusta kruo tuu taim, yu a-go se yu no nuo mi chrii taim.” An Piita staat baal, an im baal an baal so til.

Maak 16:10

Shi go we go tel im falara dem we did a ala an a baal.

Luuk 22:45

Jiizas get op fram wich paat im did a prie. Im go bak tu im speshal falara dem, onggl fi si se dem a sliip. Dem did taiyad out kaaz aal a di sitn dem we Jiizas did tel dem, dem did a tek it wel aad.

Luuk 22:62

Piita go outa duor an baal, an baal, an baal so til.

Luuk 23:27

Uol iip a piipl fala baka Jiizas, an di uman dem ban dem beli an a baal fi im.

Luuk 24:17

Jiizas aks dem se, “Wa unu a taak bout?” Dem tap waak, dem fies sad.

Luuk 24:21

Bot wi did a uop se im a did di wan fi frii Izrel. Nou a chrii die sins aal a dis apm.

Luuk 6:21

Aal a unu we onggri nou, Gad bles unu kaaz unu beli a-go ful. Aal a unu we a baal nou, Gad bles unu kaaz di taim a-go kom, wen unu a-go laaf.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 16:6

Bot unu aat evi dong, kaa mi tel unu dem sitn ya.

Jan 20:20

Wen taim im se dat de, im shuo dem im an dem an im said. An dem did glad kyaahn don wen dem si di Laad.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Ruoman 5:11

Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

2 Korintiyan 6:10

Wi aalwiez api iivn wen wi a sofa. An iivn duo wi puor wi a mek nof piipl rich. Mi no miin se wi elp dem mek moni, dem rich kaaz dem biliiv iina Gad an siek-a wa im a go gi dem wen dem biliiv. A siem so wid wi, it komiin laik se wi naa notn bot wi riili av evriting kaaz wi biliiv iina Gad.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

1 Tesaluoniyan 1:6

Unu staat fala wi — an staat fala di Laad tu. An duo unu sofa bad bad unu biliiv iina di Gud Nyuuz siem wie no mata di sofarieshan, kaaz di Uoli Spirit mek unu wel api.

Jiemz 1:2

Mi breda an sista, unu fi wel api wen chobl an kraasiz tek unu.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.

Revilieshan 11:10

Di piipl dem pan di ort a-go wel api se dem tuu prafit de ded. Dem a-go paati an sen prezent go gi wan aneda kaaz dem tuu prafit de yuus tu mek di piipl dem sofa wikid wikid.

Revilieshan 18:7

Shi big op arself an taak bout ou shi powaful an du aal kain-a seks sin. Ponish ar an mek ar sofa di siem wie, kaaz shi se tu arself, ‘A mi ruul. Mi a di kwiin. Mi ozban no ded, so mi wi neva av notn fi baal bout.’