Jan 16:19 - Di Jamiekan Nyuu Testiment

¹⁹ Jiizas si se dem did waahn aks im bout it, so im se tu dem se, “A wa mi dis se unu a aks unu wan aneda bout, ‘Likl bit fram nou unu naa go si mi no muo, den likl bit afta dat unu gweehn si mi’?

Jan 16:19 ပူးပေါင်းရင်းမြစ်များ

Matyu 6:8

Unu no bada gwaan laka dem, kaa fi unu Faada nuo wa unu niid iivn bifuo unu aks im fi it.

Matyu 9:4

Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

Maak 9:32

Bot dem neva andastan wa im did miin, an dem did fried fi aks im.

Jan 13:33

“Mi pikni, mi a-go de ya wid unu fi onggl likl bit langga. Unu gweehn luk fi mi, bot jos laik wa mi did se tu di Juu liida dem mi a tel unu di sed ting, ‘Wich paat mi de go, unu kyaahn kom de.’

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Jan 16:16

“Likl bit fram nou unu naa go si mi no muo, den likl bit afta dat unu gweehn si mi.”

Jan 16:18

Dem kip aan a aks aks, “A wa im miin wen im se, ‘Likl bit fram nou’? Wi no get we im a se.”

Jan 16:23

Da taim de, unu naa go aks mi notn agen. Mi a tel unu fi chuu chuu se mi Faada gweehn gi unu eniting unu aks fa kaa unu a mi falara.

Jan 16:26

Da die de, unu gweehn aks fi tingz kaa unu a mi falara. Mi naa se mi gweehn aks mi Faada fi notn fi unu.

Jan 16:30

A nou wi nuo se yu nuo evriting, an yu no niid nobadi fi aks yu notn. Siek-a dat, wi biliiv se a Gad sen yu kom iina di worl.”

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 6:61

Bot chuu Jiizas did nuo se im falara dem did a se dem sitn de, im se tu dem se, “Wa apm, wa mi se a bada unu?

Jan 7:33

So Jiizas se, “A onggl likl bit muo taim mi gweehn de ya wid unu, an afta dat mi a-go bak tu di wan we sen mi kom ya.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.