Jan 16:16 - Di Jamiekan Nyuu Testiment

¹⁶ “Likl bit fram nou unu naa go si mi no muo, den likl bit afta dat unu gweehn si mi.”

Jan 16:16 ပူးပေါင်းရင်းမြစ်များ

Maak 16:19

Afta di Laad Jiizas don taak tu dem, Gad tek im op iina evn an mek im sidong a im rait-an-said.

Jan 12:35

Den Jiizas se tu dem se, “Unu a-go av di lait wid unu fi onggl likl bit langga. Waak wen unu av di lait, bifuo daaknis tek unu uova. Sumadi we a waak iina daaknis no nuo wich paat im a go.

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 13:33

“Mi pikni, mi a-go de ya wid unu fi onggl likl bit langga. Unu gweehn luk fi mi, bot jos laik wa mi did se tu di Juu liida dem mi a tel unu di sed ting, ‘Wich paat mi de go, unu kyaahn kom de.’

Jan 16:10

Dem rang bout Gad an bout uu an wa rait iina Gad yai, kaa, luk ya no, mi a go a mi Faada duo piipl tingk se mi a sina. Mi a go baka mi Faada an unu naa go si mi no muo.

Jan 16:22

A sed wie so it go wid unu: Unu iina pien nou, bot mi gweehn si unu agen, an unu a-go glad iina unu aat, an nobadi kyaahn go mek unu no api agen.

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 16:5

Bot rait ya nou, mi a go tu di wan we sen mi kom ya, an non a unu no aks mi se, ‘A we paat yu a go?’

Jan 17:13

“Mi a kom a yu nou, bot mi a se aal a dem sitn ya wail mi stil iina di worl, so dat dem kyan api kyaahn don jos laka ou mi api.

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 7:33

So Jiizas se, “A onggl likl bit muo taim mi gweehn de ya wid unu, an afta dat mi a-go bak tu di wan we sen mi kom ya.

Aks 1:3

Afta im did sofa an ded pan di kraas, im kom bak alaiv an shuo imself tu im apasl dem. Im pruuv tu dem iina nof difrant wie se im alaiv. Fi bout faati die im kip aan a shuo op mongks dem taim afta taim an taak tu dem bout Gad kindom.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.