Jan 16:13 - Di Jamiekan Nyuu Testiment

¹³ Bot wen di Spirit we shuo di chuu sitn dem bout Gad kom, im gweehn mek unu nuo aal a di sitn dem we chuu. Im naa go taak aafa im uon. Im onggl a-go taak wa im ier mi Faada se, an im a-go tel unu wa a-go apm.

Jan 16:13 ပူးပေါင်းရင်းမြစ်များ

Jan 12:49

Kaa di sopm dem we mi se, mi no se pan mi uon, a di faada we sen mi kom ya, a im tel mi we mi fi se an ou fi se it.

Jan 14:17

Da sumadi de a di Spirit we shuo piipl di chuu sitn dem bout Gad. Di worliyan dem kyaahn tek im iin an mek im kanchuol dem laif, kaa dem no si im an dem no nuo im. Bot unu nuo im, kaaz im liv wid unu an a-go de insaida unu.

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 16:12

“Mi av nof muo sitn fi se tu unu, muo dan unu kyan tek iin rait ya nou.

Jan 3:32

Im taak bout we im si an ier, bot nobadi no biliiv wa im se.

Jan 8:38

Mi a tel unu we mi si wen mi de roun di Faada; bot unu, du wa unu ier di Faada se!”

Aks 11:28

Wan a dem we niem Agabos tan op fi priich. Di Uoli Spirit tek kanchuol a im an mek im taak bout ou wan torbl staavieshan a-go tek di uol worl. (Wa Agabos se apm wen taim Klaadiyos did a ruul uova Ruom.)

Aks 20:23

bot di Uoli Spirit waan mi se, iina evri toun we mi go, dem a-go lak mi op iina prizn an mek mi sofa.

Aks 27:24

‘No fried Paal! Yu afi go tan op infronta Siiza, an Gad so gud iivn duo piipl no dizorv it, im naa go mek non a di man dem we a siel wid yu ded.’

2 Tesaluoniyan 2:12

So aal a uu neehn biliiv di chuut, bot did wel glad fi tan iina sin, Gad a-go ponish dem.

2 Tesaluoniyan 2:3

No mek nobadi fuul unu op non at aal. Kaaz da die de naa kom til wan taim kom wen uol iip a piipl a-go go gens Gad an no waahn av notn fi du wid im. An da die de naa kom til di Man we brok Gad Laa shuo op — di man we Gad boun fi tier dong an mash op iina el.

Iibruu 1:1

Iina di uol taim die dem Gad yuus tu yuuz im prafit dem uol iip a taim, an iina aal kain-a wie fi taak tu wi faada faada dem.

1 Jan 2:20

Krais Jiizas naint unu wid im spirit, so aal a unu nuo di chuut.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

1 Jan 4:6

Wi a Gad pikni. Enibadi we nuo Gad lisn tu wi, bot aal uu no nuo Gad no waahn ier wa wi av fi se. Dis a ou wi nuo di chuu Spirit fram di laiyad spirit.

1 Jan 5:6

Jiizas Krais a di wan we did kom iina di worl fram evn. Wen im kom im did get baptaiz an den im ded pan di kraas. Im neva onggl get baptaiz, bot im ded pan di kraas tu. Di Spirit taak bout im, an di Spirit onggl taak di chuut.

Revilieshan 1:1

Di sitn dem we rait dong iina da buk ya, a di sitn dem we Gad shuo Jiizas Krais. Gad shuo im dem sitn ya, so im kuda tel im sorvant dem bout di sitn dem we suun apm. A dem sitn de Jiizas sen im ienjel go tel im sorvant Jan.

Revilieshan 1:19

“So rait evriting iina di buk, dat a di sitn dem we yu si we a apm nou an we go apm lieta.