Jan 16:10 - Di Jamiekan Nyuu Testiment

¹⁰ Dem rang bout Gad an bout uu an wa rait iina Gad yai, kaa, luk ya no, mi a go a mi Faada duo piipl tingk se mi a sina. Mi a go baka mi Faada an unu naa go si mi no muo.

Jan 16:10 ပူးပေါင်းရင်းမြစ်များ

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 16:5

Bot rait ya nou, mi a go tu di wan we sen mi kom ya, an non a unu no aks mi se, ‘A we paat yu a go?’

Jan 3:14

Jos laka ou Muoziz did lif op di siniek iina di dezot, a sed wie so di Man we Gad Pik mos get lif op,

Jan 5:32

Bot yu av sumadi els we a se tingz bout mi, an mi nuo se aal a wa im a taak se wot sopm — wa im se a chuu.

Jan 7:33

So Jiizas se, “A onggl likl bit muo taim mi gweehn de ya wid unu, an afta dat mi a-go bak tu di wan we sen mi kom ya.

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 3:14

Iivn duo Jiizas aalwiez sorv Gad an du we rait, unu ton unu bak pan im an aks fi dem le'go wan mordara insted-a im.

Aks 7:52

Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Ruoman 1:17

Di Gud Nyuuz shuo ou Gad tek we piipl sin an mek tingz rait bitwiin im an dem, an dat im du aal a dat kaaz dem biliiv iina Jiizas Krais. It aal rait dong iina Gad wod se, “Di piipl uufa sin Gad tek we kaaz dem biliiv iina im, a dem a-go riili liv.”

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

2 Korintiyan 5:21

Jiizas neva sin yet bot Gad put fi wi sin pan im, so dat wi kuda get kliin. Da wie de wen wi biliiv iina Jiizas, tingz wuda rait bitwiin wi an Gad.

Gyalieshan 5:5

Bot yu si wi, di wan dem we a chos iina Jiizas Krais, di Uoli Spirit mek wi nuo fi shuor se wi a-go get aal a wa Gad pramis fi gi wi. So wi kyan wiet an luk fi aal we Gad pramis fi gi wi kaaz Gad mek tingz rait bitwiin wi an im aredi.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.