Jan 15:8 - Di Jamiekan Nyuu Testiment

⁸ Wen unu bier nof fruut an shuo se unu a fi mi falara, da wie de mi Faada get nof rispek.

Jan 15:8 ပူးပေါင်းရင်းမြစ်များ

Matyu 5:16

A siem so unu fi shain unu lait mek evribadi si, da wie de dem kyan si di gud sitn we unu du an big op unu Faada we de a evn.

Matyu 5:44

Bot dis a wa mi a se, lov unu enimi dem an prie fi di piipl dem we chriit unu bad an mek unu sofa.

Matyu 9:8

Wen di kroud a piipl si dis ya, dem kech dem fried an staat big op Gad, kaa a im gi piipl di rait an powa fi du dem sitn ya.

Luuk 6:35

Unu fi lov di piipl dem we iet unu. Du gud tu piipl, len an no ekspek fi get bak notn. Kaaz Gad a-go pie unu bak big taim. Gad kain tu di piipl dem we wikid an we no gi tangks. So wen unu du dis, dat shuo se unu a riili di Muos Ai Gad pikni.

Jan 13:35

Wen unu lov unu wan aneda, a so piipl gweehn nuo se unu a fi mi falara.”

Jan 15:5

“Mi a di chrii; unu a di lim dem. Evri lim we a paat a mi — an we mi a paat a — dem bier nof fruut. Unu kyaahn du wan ting widout mi.

Jan 8:31

Jiizas se tu di Juu dem we kom fram Jeruusilem an we chos iina im se, “Ef unu gwaan du di sitn dem we mi tiich, unu a mi falara dem fi chuu.

1 Korintiyan 10:31

Wel, di chuut a weda yu a iit fuud ar jringk jringks — evriting we yu du, yu fi du it iina wan wie we wi kaaz piipl fi priez Gad.

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Taitos 2:10

ar tiif fram dem. Dem fi anis an shuo di piipl dem se dem kyan chos dem. Wen dem du dis, piipl wi luk pan dem an rispek wa wi tiich bout wi sievya Faada Gad.

Taitos 2:5

Dem wi lorn ou fi ron dem ous. Di uolda uman dem wi elp di yongga wan dem lorn ou fi kanchuol demself, liv wan gud an kliin laif, an fi fala wa dem ozban se. So dat nobadi kyaahn se notn bad bout Gad wod.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.