Jan 15:22 - Di Jamiekan Nyuu Testiment

²² Ef mi neehn kom an taak tu dem, dem wudn gilti a notn rang. Bot rait ya nou, dem na'av notn fi yuuz an se dem no gilti.

Jan 15:22 ပူးပေါင်းရင်းမြစ်များ

Luuk 12:46

Bot di maasta a-go kom bak wan die wen di sorvant naa luk fi im, an wan taim wen di sorvant naa chek se im wuda riich bak. Di maasta a-go chap im iina tuu an fling im out mongks di wan dem we no lisn ar fala wa im, di maasta, se.

Jan 12:48

Yu av wan joj fi di piipl dem we ton dem bak pan mi, an no lisn tu wa mi se. Di sopm dem we mi se gweehn joj dem pan di laas die.

Jan 15:23

Enibadi we iet mi, iet mi Faada tu.

Jan 15:24

Dem wudn gilti ef mi neehn du di powaful sitn dem we dem neva si nobadi els du. Bot nou dem si dem powaful sitn ya, an dem iet mi an mi Faada siem wie.

Jan 16:9

Dem rang bout sin, kaa dem no chos iina mi.

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Jan 9:41

So Jiizas tel dem se, “Ef unu did blain, unu wudn gilti a no sin, bot chuu unu se unu kyan si, unu gilti.”

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Ruoman 1:20

Nobadi kyan si Gad bot dem kyan nuo bout im. Fram Gad mek di worl, im a shuo piipl a uu im bi. Wen yu luk pan di sitn dem we im mek, yu kyan nuo se a im a riili Gad an dat a im a-go av aal di powa fi eva an eva. So nobadi kyaahn se dem neva nuo bout im.

Ruoman 2:1

Unu si aal a unu we a joj ada piipl, no mata uu unu bi, unu naa go kyan se notn wen Gad kom fi joj di worl. Kaaz wen unu a joj ada piipl, it komiin laik unu a joj unuself, kaaz di rang sitn dem we dem a du, a di siem sitn unu a du tu.

Jiemz 4:17

So enibadi we nuo di rait sitn we dem fi du an no du it, a sin dem a sin.

1 Piita 2:16

Liv laik piipl we frii, piipl we a no no nobadi sliev. Bot dat no miin se unu fi yuuz dat an du we rang, ar tingk se unu kyan sin an aid it fram nobadi ar get we wid it. Wa unu fi du, a liv laik ou Gad sorvant dem fi liv.