Jan 15:21 - Di Jamiekan Nyuu Testiment

²¹ Bot dem a-go du aal a dem sitn ya tu unu chuu unu a fi mi, an kaa dem no nuo di wan we sen mi kom ya.

Jan 15:21 ပူးပေါင်းရင်းမြစ်များ

Matyu 10:18

An kaaz unu a fi mi falara, dem a-go aal unu infronta di ruula an di king dem, da wie ya nou, unu kyan tel dem bout mi, an unu kyan tel di piipl dem we a no Juu tu.

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 10:39

Enibadi we a chrai siev dem laif, a-go luuz it. Bot ef unu luuz unu laif siek-a mi, unu wi get fi liv fi eva an eva.

Matyu 24:9

“Wen dat apm, dem a-go tek unu, an gi unu uova tu di piipl dem we a-go ponish unu an kil unu. An kaa unu a fala mi, piipl fram aal bout a-go iet unu.

Matyu 5:11

Gad bles unu wen piipl shiem unu, wen dem mek unu sofa an wen dem se aal kain-a wikid sitn bout unu we no chuu — bot se it jos kaaz unu fala mi.

Maak 13:13

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Luuk 21:12

“Bifuo aal dem sitn ya apm, dem a-go grab unu an diil wid unu bad. Dem wi tek unu an an unu uova tu di liida dem fi di Juu dem choch an sen unu go a prizn. Dem a-go kyari unu go infronta king an liida, kaaz unu fala mi.

Luuk 21:17

Evribada a-go iet unu siek-a unu fala mi.

Luuk 6:22

Gad bles aal a unu we piipl iet, we dem lef out, disrispek an kaal aal saat a niem an se unu wikid, kaaz unu fala di Man we Gad Pik.

Jan 15:24

Dem wudn gilti ef mi neehn du di powaful sitn dem we dem neva si nobadi els du. Bot nou dem si dem powaful sitn ya, an dem iet mi an mi Faada siem wie.

Jan 16:3

Dem a-go du aal a dem sitn ya, kaa dem no nuo mi ar mi Faada.

Jan 17:25

“Faada, we eva du rait, iivn duo di piipl dem iina di worl no nuo yu, mi nuo yu, an dem piipl ya nuo se a yu sen mi kom ya.

Jan 8:19

“So den, we paat yu Faada de?” di Farisii dem aks im. “Unu no nuo mi ar mi Faada,” Jiizas se tu dem. “Ef unu did nuo mi, unu wuda nuo mi Faada tu.”

Jan 8:54

Jiizas ansa dem se, “Ef mi big op miself, dat de big op de no wot wan ting. Fi mi Faada, di wan we unu se a fu'unu Gad, a im a di wan we big mi op.

Jan 8:55

Unu no nuo im, bot mi nuo im. Ef mi did fi se mi no nuo im, mi wuda lai laik unu. Bot mi nuo im, an mi du wa im se.

Aks 17:23

Kaaz wen mi did a muuv roun an a tek a gud luk pan di plies dem we unu go worship, mi aal si wan alta wid dem wod ya rait dong pan it, ‘Tu di Gad we wi no nuo.’ Wel di wan we unu worship an no nuo bout, a im mi a tel unu bout.

Aks 26:9

“A siem so mi did biliiv se mi did afi du evriting we mi kuda du fi ort Jiizas we kom fram Nazaret.

Aks 3:17

“Nou mi breda an sista, mi nuo se unu an unu liida dem neva nuo wa unu did a du.

Aks 4:17

Bot wi kyaahn mek ada piipl ier bout dem sitn ya. So wi afi go waan dem man ya mek dem nuo se dem kyaahn priich tu di piipl dem an yuuz Jiizas niem no muor.”

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Aks 9:14

An im get di powa an di rait fram di ed priis fi kom dong ya kom ares enibadi we kaal pan yu niem.”

Aks 9:16

Mi a-go shuo im umoch im afi go sofa fi fi mi siek.”

Ruoman 1:28

Dem nuo di chuut bout Gad bot dem mek op dem main se dem naa biliiv it. So Gad lef dem fi du aal a di sitn dem we dem doti main tel dem fi du im lef dem fi du di sitn dem we dem no fi du.

1 Korintiyan 15:34

Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

1 Korintiyan 2:8

Non a di piipl dem we a ruul iina dem taim ya did andastan da plan de. Kaaz ef dem did andastan it dem wuda neva tek wi big an powaful Laad, an niel im op pan wan kraas kil im.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

1 Jan 3:1

Luk umoch di Faada lov wi. Im kaal wi im uona pikni, an wi a riili fi im pikni fi chuu. Di piipl dem iina di worl no nuo wi, jos laik ou dem neva nuo Gad niida.

3 Jan 1:7

Wen dem lef fi go luk bout Krais Jiizas bizniz, dem neehn tek notn fram di worliyan dem.

Revilieshan 2:3

Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.