Jan 15:16 - Di Jamiekan Nyuu Testiment

¹⁶ “A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:16 ပူးပေါင်းရင်းမြစ်များ

Matyu 21:22

An eniting we unu prie an aks Gad fa, ef unu biliiv se im gu'unu, unu wi get it.”

Matyu 7:7

“Aks fi wa unu waahn an unu wi get it; luk fi wa unu waahn an unu wi fain it; nak pan di duor an it wi uopm op fu'unu.

Luuk 6:13

Wen die lait, Jiizas kaal im falara dem an pik out twelv a dem. Im kaal dem twelv de im apasl.

Jan 13:18

“Wa mi a se a no bout aal a unu. Mi don nuo wich wan a unu mi pik aredi. Bot wa Gad wod se afi kom chuu. It se dat, ‘Di sumadi we nyam fi mi uona bred ton gens mi.’

Jan 15:19

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.

Jan 15:5

“Mi a di chrii; unu a di lim dem. Evri lim we a paat a mi — an we mi a paat a — dem bier nof fruut. Unu kyaahn du wan ting widout mi.

Jan 6:70

Den Jiizas ansa bak an se, “No twelv a unu mi pik? An stil wan a unu a di devl uona self.”

Aks 1:24

Den dem prie, “Laad, yu nuo wa iina evribadi aat. So shuo wi wich wan a dem yu pik

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 10:41

A no evribadi did si im, onggl wi, di wan dem we Gad did pik fram wie bak wen — wi we iit an jringk wid im afta im kom bak alaiv.

Aks 22:14

“Den im se tu mi se, ‘Di Gad we wi faada faada dem worship pik yu fi nuo wa im plan fi du, fi si im sorvant we aalwiez du wa im waahn im fi du an fi ier da wan de taak tu yu imself.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.

Ruoman 1:5

Gad kaaz Jiizas fi gud an kain tu mi an fi mek mi wan a im apasl dem, iivn duo mi neva dizorv it. Im mek mi wan apasl so dat mi kuda sorv Jiizas Krais an elp di piipl dem we a no Juu fi biliiv iina im an fala aal a wa im se.

Ruoman 15:4

Evriting we rait dong iina Gad wod, rait dong fi tiich wi an fi elp push wi fi tan op chrang an no gi op so dat wi kyan gwaan luk fi get di sitn dem we Gad pramis wi.

Ruoman 9:21

Di sumadi we a mek di pat, im no av di rait fi tek piis a klie an mek wan speshal pat we im yuuz sortn an sortn taim, an den tek wan neda piis a klie an mek wan pat fi yuuz evridie?

1 Korintiyan 10:11

Aal a dem sitn de we apm tu dem a fi waan wi no fi liv laik dem. An it rait dong iina Gad wod fi waan aal a wi we a liv iina da taim ya wen di worl suun don.

Gyalieshan 1:15

Bot Gad gud an kain tu mi. Im pik mi fram mi baan an im kaal mi fi du im wok. An wen im did redi

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

1 Timoti 2:7

A so mek Gad sen mi fi bi im apasl, so mi kuda priich di chuut. Im sen mi fi tiich aal a di piipl dem we a no Juu an tel dem se Gad wi siev dem ef dem biliiv iina Jiizas. Mi naa lai, mi a tel yu di chuut.

2 Timoti 1:11

A da siem Gud Nyuuz de Gad se mi fi tiich. Im mek mi wan a Jiizas apasl dem so mi kuda tel di piipl dem di Gud Nyuuz.

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

Taitos 1:5

Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.

Iibruu 11:4

A kaaz Iebl chos iina Gad mek im bon wan beta sakrifais gi Gad dan Kien. A kaaz im chos iina Gad mek Gad se im api wid im, an se im a sumadi we du di rait sitn dem. An siek-a di chos we im chos iina Gad, im stil a chat iivn duo im ded, kaaz wa Iebl did du stil a sen wan mesij tu wi.

Jiemz 3:18

Jos laik ou wen wan faama plaant gud siid im riip gud krap, a siem so di wan dem we du wa gud an liv iina piis wi mek ada piipl du wa gud an liv iina piis tu. An dat wi kaaz evribadi fi liv gud wid dem wan aneda tu.

1 Piita 3:15

Unu fi andastan se Krais Jiizas a di onggl Laad, an worship im wan. An unu fi aalwiez redi fi ansa enibadi we aks unu a wa mek unu chos iina Krais Jiizas so.

1 Piita 3:2

Kaaz dem wi si ou unu rispek dem an si se unu riili a liv fi Gad.

1 Jan 4:10

Riil lov a no ou wi lov Gad, bot a ou Gad lov wi an ou im sen im wan dege-dege Bwai Pikni kom ded fi wi sin dem.

1 Jan 4:19

Wi lov wan aneda kaaz Gad lov wi fos.