Jan 15:11 - Di Jamiekan Nyuu Testiment

¹¹ Mi a tel unu aal a dem sitn ya, so unu wi glad iina unu aat siem laka ou mi glad iina fi mi.

Jan 15:11 ပူးပေါင်းရင်းမြစ်များ

Luuk 15:23

Bring di kyaaf we mi a fatn kom kil it. Mek wi nyam, daans an praans.

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Luuk 15:5

Wen yu fain it, yu so glad yu put it pan yu shuolda

Luuk 15:9

Wen shi fain it, shi kaal out ar fren an nieba dem an se, ‘Mek wi daans an praans, mi fain mi kain.’

Jan 16:24

Aal nou unu no aks fi notn kaa unu a mi falara. Aks an unu wi get we unu aks fa, so dat unu kyan riili riili api.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 17:13

“Mi a kom a yu nou, bot mi a se aal a dem sitn ya wail mi stil iina di worl, so dat dem kyan api kyaahn don jos laka ou mi api.

Jan 3:29

Yu si, di braid a fi di braidgruum. Di braidgruum brejrin we saat out di sitn dem fi'im wedn an we tan op an lisn out fi'im, im glad-bag bos wen taim im ier di braidgruum vais. Rait ya nou, a siem wie so mi fiil wel wel api bout wa a gwaan.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

2 Korintiyan 1:24

Wi a no som baas we a chrai fi ruul uova unu an tel unu wa fi biliiv. Wi a wok wid unu fi mek unu api kaaz unu chrang iina wa unu biliiv.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

Filipiyan 1:25

An mi nuo fi shuor se mi a-go tan ya wid unu an gwaan elp unu so dat unu wi chos iina Gad muor an muor, an so dat unu wi muor api bout wa unu biliiv.

1 Tesaluoniyan 5:16

Unu fi tan api aal di taim.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

1 Jan 1:4

Wi a rait fi tel unu dem sitn ya, kaaz it mek wi riili api fi tel unu.

2 Jan 1:12

A nof sitn mi av fi tel unu, bot mi no waahn rait dem wid pen an piepa. Mi suun kom luk fi unu so wi kyan taak fies tu fies, dat wi mek wi riili api.