Jan 15:10 - Di Jamiekan Nyuu Testiment

¹⁰ Ef unu du wa mi tel unu fi du den unu naa go ton we fram di lov mi av fi unu, siem laka ou mi du wa mi Faada tel mi fi du an no ton we fram di lov we im av fi mi.

Jan 15:10 ပူးပေါင်းရင်းမြစ်များ

Jan 10:18

Nobadi no tek we mi laif fram mi. A mi gi it op miself. Mi av di powa fi gi it we an mi av di powa fi tek it bak. A dis ya mi Faada tel mi fi du.”

Jan 12:49

Kaa di sopm dem we mi se, mi no se pan mi uon, a di faada we sen mi kom ya, a im tel mi we mi fi se an ou fi se it.

Jan 14:15

“Ef unu lov mi fi chuu, unu gweehn du aal a wa mi tel unu fi du.

Jan 14:21

Di sumadi we nuo an du wa mi se, a dem lov mi. Mi Faada a-go lov di sumadi we lov mi. Mi a-go lov dem tu, an mi gweehn shuo dem a uu mi bi.”

Jan 14:23

Jiizas se tu im se, “Ef sumadi lov mi den da sumadi de a-go du wa mi se dem fi du. Mi Faada a-go lov dem, an di tuu a wi a-go liv wid dem.

Jan 14:31

Mi onggl a du wa mi Faada tel mi fi du, so dat di piipl dem iina di worl kyan nuo se mi lov mi Faada. “Kom! Mek wi lef go we fram da plies ya.”

Jan 17:4

Mi shuo piipl pan ort ou yu big an powaful, wen mi du di wok we yu did gi mi fi du.

Jan 4:34

“Fi mi fuud,” Jiizas se tu dem, “a fi du we di wan we sen mi kom ya waahn mi fi du, an fi finish op di wok im gi mi.

Jan 8:29

Di wan we sen mi tan wid mi. Im neehn mek mi tan pan mi uon, kaa mi eva a du wa mek im api.”

Jan 8:55

Unu no nuo im, bot mi nuo im. Ef mi did fi se mi no nuo im, mi wuda lai laik unu. Bot mi nuo im, an mi du wa im se.

1 Korintiyan 7:19

A no notn ef yu sorkomsaiz jos laik ou a no notn ef yu no sorkomsaiz. Di onggl ting we mata a dat unu du wa Gad se unu fi du.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

Iibruu 7:26

Liida fi priis we komiin laik Jiizas, a riili di kain-a liida fi priis we wi niid. Im mek Gad api iina evri kain-a wie. Im no du notn rang; im neva sin. Nobadi kyaahn bliem im fi notn. Gad mek im difrant, im no komiin laka sina piipl. An Gad riez im op ai ai, aiya dan aal evn.

2 Piita 2:21

Dem wuda betaraaf ef dem neva nuo di rait wie iina di fos plies, dan fi dem nuo it an den go ton dem bak pan wa Gad se wi fi du — di sed mesij we dem did get.

1 Jan 2:3

Wen wi du we Gad se wi fi du, a so wi nuo se wi riili riili nuo Gad.

1 Jan 2:5

Wen enibadi du we Gad se dem fi du, da sumadi de shuo se dem riili lov Gad di wie im waahn dem fi lov im. A so wi nuo se wi a fi im uon.

1 Jan 2:6

Ef sumadi se Gad liv iina dem, dem fi liv di wie Krais Jiizas liv.

1 Jan 5:3

Wen wi du wa Gad tel wi fi du, wi shuo se wi riili lov im, an wa Gad tel wi fi du no aad.

Revilieshan 22:14

“Di wan dem we wash dem lang jakit a dem api, kaaz a dem a-go get di rait fi go iina di siti an fi iit fruut fram di chrii we gi laif.