Jan 15:1 - Di Jamiekan Nyuu Testiment

¹ “Mi a wan chrii, di riil chrii we gud fruut gruo pan, an mi Faada a di gyaadna we luk aafa di chrii.

Jan 15:1 ပူးပေါင်းရင်းမြစ်များ

1 Korintiyan 3:9

Mi an Apalos, wi a jos Gad sorvant an di tuu a wi a wok tugeda fi Gad. Bot unu, unu a Gad fiil we wi a plaant op, unu a Gad bildin.

Jan 6:55

Kaa fi mi badi a di riil fuud an fi mi blod a di riil jringks.

1 Jan 2:8

Bot wen unu tingk bout it, iina wan wie, a riili wan nyuu laa mi a rait gi unu. It nyuu siek-a wa Jiizas did du an kaaz unu a liv unu laif fi fala im. Rait ya nou di daaknis a go we, an di riil lait staat shain aredi.

Maak 12:1

Den Jiizas taak tu dem an tel dem da tuori ya: “Yu did av wan man we did plaant wan griep faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Matyu 21:33

“Ier da tuori ya tu: Yu weehn av wan man we uon wan griep faam an di man plaant op im faam. Im put op wan waal aal roun it, dig out wan uol iina di grong fi krosh out di griep fi mek wain, an bil op wan plies pan tap a di waal fi di gyaad wach uova di faam. Den im rent it out tu som faama an go farin.

Jan 6:32

So Jiizas se tu dem se, “Mi a tel unu fi chuu chuu: a no bred we kom fram outa evn Muoziz gi unu. Mi Faada a di wan we de gi unu di riil fuud fram outa evn.

Luuk 13:6

Den Jiizas tel dem da tuori ya, “Wan man av wan prangganat chrii plaant iina im gyaadn, an im go fi si ef fruut de pan it, bot im no fain non.

Matyu 20:1

“Gad kindom komiin laik wan man we uon wan faam. Im go we orli iina di maanin go tek aan som wokman fi im griep faam.

Jan 1:9

Da lait de a di riil lait an im kom iina di worl an mek evribadi nuo im.

Jan 1:17

Kaaz, yu si, Gad gi Muoziz di Laa fi gi wi, bot im yuuz Jiizas fi mek wi nuo wa chuu, an siek-a Jiizas, im shuo wi lov we wi no dizorv.

Matyu 15:13

Ier Jiizas no, “Evri plaant we mi Faada iina evn neva plaant a-go ruut op.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Ruoman 11:17

Bot ef som a di branch dem brok aaf, an dem tek unu, unu we a wan wail piis a aliv shuut, an bod di aliv chrii so dat unu kyan liv aafa di gud sitn dem we kom fram di ruut,