4 Unu nuo di wie fi go wich paat mi a go.”
Unu no nuo se di Krais afi sofa dem sitn de bifuo Gad tek im op iina evn an ana im?”
Mi a di giet. Ef enibadi kom iin chuu mi, dem a-go siev. Dem a-go waak iin an waak out, an dem a-go fain plies wid nais griin graas fi nyam.
Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.
Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,
A nof ruum iina mi Faada ous. Ef a neehn so it go mi wudn se notn tu unu. Mi a go we fi fiks op wan plies fi unu.
Unu ier mi tel unu se, ‘Mi a go we an mi a kom bak tu unu.’ Ef unu lov mi, unu wuda glad se mi a go a mi Faada, kaa mi Faada biga dan mi.
An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.
Tamas den se tu im se, “Laad, wi no nuo di wie fi go wich paat yu de go. Ou wi kyan get fi nuo di wie fi go de?”
Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”
Di sumadi we chos iina im Bwai Pikni a-go liv fi eva, bot di wan we no waahn fi av notn fi du wid im naa go liv, an Gad eva a-go ponish im.”
Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”
