Jan 14:27 - Di Jamiekan Nyuu Testiment

²⁷ “Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Jan 14:27 ပူးပေါင်းရင်းမြစ်များ

Filipiyan 4:7

Wen unu du dat, Gad wi gi unu piis iina unu aat an main iina wan wie we unu kyaahn iivn andastan. Im a-go du it so unu no afi wori bout notn, kaaz unu an di Laad a wan.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

2 Tesaluoniyan 3:16

Nou mi prie se di Laad imself we gi piis, wi gi unu piis iina unu aat fi eva, no mata wa a gwaan. An mi prie se im wi tan wid di uol a unu.

Koloshan 3:15

Krais Jiizas gi unu piis. So mek di piis we im gi unu tek kanchuol a unu aat. Im kaal unu fi kom liv iina piis wid unu wan aneda laik ou a di uol a unu kom tugeda an mek op di wan badi. An gi Gad tangks tu.

2 Timoti 1:7

Kaaz di spirit we Gad gi wi, neva mek wi friedi-friedi. Gad Spirit gi wi powa, lov an mek wi kyan kanchuol wiself.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Ruoman 8:6

Nou, ef yu onggl a tingk bout di sitn dem we yu badi waahn fi du, yu a-go ded. Bot ef aal yu a tingk bout a di sitn dem we Gad Spirit waahn yu fi du, Gad wi mek yu riili liv an gi yu piis iina yu aat.

Gyalieshan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Ruoman 5:1

Gad put tingz rait bitwiin wi an im, kaaz wi biliiv iina im. An siek-a wa wi Laad Jiizas Krais did du, wi an Gad a liv iina piis.

Jan 14:1

“No wori unuself. Chos iina Gad, an chos iina mi tu.

Ruoman 5:10

Wi a did Gad enimi, an iivn duo wi a did im enimi, Gad sen Jiizas fi ded fi wi sin dem an im mek tingz rait bitwiin wi an im. So nou dat tingz rait bitwiin wi an Gad, wi kyan nuo fi shuor se Jiizas wi siev wi wen Gad kom fi joj di worl. Wi nuo se im wi siev wi kaaz im kom bak alaiv.

Jan 20:21

So Jiizas se tu dem wan neks taim se, “Piis! Siem laka ou di Faada sen mi iina di worl, a siem wie so mi a sen unu iin de.”

Koloshan 1:20

An Gad yuuz Jiizas fi mek piis wid evriting an fi bring dem bak tu im, weda dem de pan ort ar iina evn. A dat im du wen im mek im Bwai Pikni bliid an ded pan di kraas.

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

1 Korintiyan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

Jan 20:19

Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

2 Tesaluoniyan 1:2

Wi prie se wi Faada Gad an di Laad Jiizas Krais wi aalwiez shuo unu lov, iivn duo wi no dizorv it, an gi unu piis iina unu aat.

Aks 10:36

Unu nuo di mesij we Gad sen kom tu di Izrel piipl. Di mesij we se dat Gad a-go yuuz Jiizas we a Laad fi evribadi fi mek tingz rait wid im an piipl.

Luuk 2:14

“Priez Gad we de a evn, an piis fi evribadi we Gad api wid.”

Luuk 1:79

It a-go shain pan di wan dem we a liv iina di daak an we fried fi ded. An im a-go shuo wi ou fi liv iina piis.”

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Aks 18:9

An iina di nait di Laad se tu Paal iina wan vijan, “No fried, taak op an no kip kwaiyat,

Matyu 10:26

“No fried a dem kaa notn no aid we wi naa go fain out bout, an no siikrit no de we naa go bos out.

Revilieshan 2:10

No fried a di sitn dem wa unu bout fi sofa. Mi a tel unu, di devl a-go fling som a unu iina prizn fi tes unu. An unu a-go sofa fi ten die. Bot unu fi tan op chrang an chos mi siem wie, iivn ef dem mek op dem main fi kil unu. Kaaz siem laik ou wan rona get wan medal wen im win wan ries, mi wi gu'unu laif fi fu'unu praiz.

Revilieshan 1:4

Dis a Jan. Mi a rait da leta ya tu di sevn choch dem we de iina Iezha. Mi a prie se Gad, di wan we alaiv, di wan we de bout fram wie bak wen, an di wan we a-go kom baka ort, an im Uoli Spirit we de infronta im chuon, wi gud an kain tu unu an gi unu piis iina unu aat.

Iibruu 7:2

Iebriyam tek wan outa evri ten sitn we im did get iina di waar an a kyari go baka im yaad, an gi im. Nou di niem Melkezidek riili miin ‘king we du wa rait,’ bot den ‘king fi Sielem’ kyari wan difrant miinin, dat miin ‘king we mek piis.’

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Gyalieshan 6:16

Fi evribadi we grii wid mi — mi prie se Gad wi gi dem piis an dat im wi gud an kain tu dem an aal a im piipl dem.

Luuk 10:5

“Wen taim unu go a nobadi yaad, di fos ting unu fi du a se, ‘Gad, mek yu piis kom dong pan da yaad ya.’

Koloshan 1:2

Wi a rait da leta ya tu aal a Gad piipl dem we de a Kolasi — di breda an sista dem we eva a chos iina Gad an we kluos tu Krais Jiizas: Wi prie se wi Faada Gad wi aalwiez shuo unu lov iivn duo wi no dizorv it, an gi unu piis iina unu aat.

Luuk 12:4

“Mi fren, ier wa mi a se, no fried a uu kyan onggl kil di badi — dat a aal dem kyan du!