Jan 14:26 - Di Jamiekan Nyuu Testiment

²⁶ Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 14:26 ပူးပေါင်းရင်းမြစ်များ

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 14:16

An mi a-go aks mi Faada fi sen wan neda sumadi fi elp unu an de wid unu aal di taim.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

1 Jan 2:20

Krais Jiizas naint unu wid im spirit, so aal a unu nuo di chuut.

1 Korintiyan 6:19

Unu no nuo se unu badi a di ous fi di Uoli Spirit we Gad gi unu? Unu no de pan unu uon.

Aks 2:33

So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.

Ifiijan 1:17

Mi prie se di Gad fi wi Laad Jiizas, di Faada we big an powaful iina evri wie, wi kaaz unu fi waiz an andastan evriting, so dat unu kyan nuo im beta.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Jan 2:22

Nou a afta Jiizas ded an kom bak alaiv im falara dem memba se im did se dem sitn de. An dem biliiv wa rait dong iina Gad wod an wa Jiizas did se.

Aks 13:2

Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

1 Jan 5:7

So wi av chrii wie fi nuo se Jiizas riili riil:

Taitos 3:5

im siev wi. A no kaaz a notn gud we wi du bot kaaz im lov wi an im andastan wa wi go chuu. Gad siev wi wid di powa a im Uoli Spirit we wash wi an gi wi nyuu laif.

Luuk 24:49

An luk, mi a sen unu we mi Faada pramis fi gi unu, bot tan iina di siti til unu get powa fram evn.”

Juud 1:20

Bot unu piipl we mi lov, gwaan mek unuself chrang iina wa unu biliiv, an mek di Uoli Spirit liid unu wen unu prie.

Iibruu 9:8

Di Uoli Spirit did a shuo se di wie fi get iina di riil tent, di Uoliyis Plies neehn uopm op yet, so langks di uol tent — di wan pan ort, did stil a yuuz.

Iibruu 3:7

So den, jos laik wa di Uoli Spirit se, “Ef unu ier im vais tide,

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

1 Korintiyan 12:3

So mi waahn unu fi andastan se nobadi we av Gad Spirit a liid dem kyan se dat, “Gad joj Jiizas an se im fi ded.” An sumadi kyan onggl se, “Jiizas a Laad” ef dem av di Uoli Spirit a liv iina dem.

2 Piita 1:21

Kaaz no mesij fram Gad neva kom bout bies pan we no man ar uman waahn, bot a di Uoli Spirit did tek kanchuol a piipl an mek dem gi mesij we kom fram Gad.

Luuk 11:13

Ef unu so wikid an stil nuo ou fi gi unu pikni nais sitn, unu no tingk se unu Faada op iina evn wi iivn muo dan redi fi gi di Uoli Spirit tu enibadi we aks im!”

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Luuk 1:41

Az Ilizibet ier Mieri se oudi so, di biebi iina ar beli jomp. An di Uoli Spirit tek kanchuol a Ilizibet

Matyu 3:11

“Mi tek waata baptaiz unu fi shuo se unu ton we fram sin. Bot sumadi a kom we muo powaful dan mi. Mi no iivn gud inof fi aal kyari im slipaz. Im wi tek di Uoli Spirit an faiya, an baptaiz unu.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

2 Timoti 1:14

Gyaad di sitn dem we Gad gi yu fi tiich. Gyaad dem wid di elp a di Uoli Spirit we liv iina yu.

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 11:16

A da taim de mi memba ou di Laad did se: ‘Jan baptaiz piipl wid waata, bot Gad a-go baptaiz unu wid di Uoli Spirit.’

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Jan 20:22

Afta im se dat im bluo pan dem an se, “Mek di Uoli Spirit kom iina unu laif.

Jan 6:45

Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi.

Maak 13:11

Wen dem ares unu an ton unu uova tu di joj, no bada fret bout wa unu a-go se ar ou unu a-go se it. Jos se we Gad tel unu fi se da taim de, kaaz a no unu a taak, a di Uoli Spirit a taak chuu unu.

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Iibruu 10:15

An di Uoli Spirit shuo wi se dem sitn ya chuu fi riil, kaaz fos im se,

Jan 12:16

(Nou Jiizas falara dem neehn andastan dem sopm ya fos aaf. A onggl afta Jiizas ded an kom bak alaiv an Gad shuo ou im big an powaful dem memba se dem sitn ya did rait dong bout im an dat dem did apm tu im.)

Maak 12:36

Di Uoli Spirit taak chuu Dievid an se: “ ‘Di Laad se tu fi mi Laad se: “Sidong a mi rait-an-said til mi put yu enimi dem anda yu fut.” ’

Revilieshan 2:11

Aal uu kyan ier beta lisn we di Uoli Spirit a se tu di choch dem. Enibadi we biit di devl an no gi iin tu di sitn dem wa im waahn dem fi du, wen Gad kom bak fi joj di worl im naa go sen dem fi ded.

Ifiijan 1:13

An wen unu did ier Gad wod — di chuu mesij we siev unu — wen unu biliiv iina Krais Jiizas, Gad gi unu im Uoli Spirit we im did pramis, fi shuo se unu a fi im.

2 Korintiyan 6:6

Wi shuo se wi a Gad sorvant wen wi kip wiself kliin. Gad mek wi andastan im mesij an mek wi nuo ou im waahn wi fi liv. Wi shuo se wi a Gad sorvant wen wi kain tu piipl, an tek taim wid dem an no kwik fi get beks ar grombl grombl. Wi mek di Uoli Spirit elp wi fi du wi wok, wi no du it pan wi uon. Wi shuo se wi a Gad sorvant wen wi shuo piipl lov, no mata uu dem bi ar we dem du, wi aalwiez shuo dem lov.

Aks 20:35

Iina evriting we mi du mi shuo unu se wi afi wok aad so wi kyan av inof fi shier wid di wan dem we no av notn. An unu fi memba wa wi Laad Jiizas se, im se, ‘Ef yu gi sumadi sopm, it mek yu muo api dan ef sumadi gi yu sopm.’ ”

Aks 15:8

Gad, di wan we nuo evribadi aat, gi dem im Uoli Spirit, an dat shuo se im tek dem fi im piipl siem laik ou im did du wid wi.

Aks 7:51

“Unu piipl, unu stoban, an aad-iez an no waahn lisn tu Gad mesij. Unu aat komiin jos laik di piipl dem we no biliiv iina Gad. Unu eva a-go gens wa di Uoli Spirit waahn, siem laik we unu faada faada dem did du!

Aks 1:4

Wan a di taim wen im did a iit wid dem im tel dem se, “Tan a Jeruusilem an wiet fi wa mi Faada pramis fi gi unu, di siem sitn we mi did tel unu bout.

Aks 1:2

til di die im get tek op iina evn. Dat a did afta Jiizas yuuz di Uoli Spirit fi tel im apasl dem we im did pik, wa im waahn dem fi du.

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Luuk 3:22

an di Uoli Spirit kom dong pan Jiizas iina di shiep a wan dov. An wan vais fram evn se, “Yu a fi mi wan dege-dege bwai, mi lov yu an yu mek mi aat glad.”

Luuk 1:67

Di Uoli Spirit tek kanchuol a Jan faada so im staat fi se:

Luuk 1:35

Di ienjel ansa ar se, “Di Uoli Spirit a-go kom tu yu an di powa a di Muos Ai a-go toch yu. Im a-go bi Gad uoli pikni.

Luuk 1:15

Yu bwai pikni a-go speshal iina Gad yai. Im no fi jringk no wain ar no ada chrang jringk. Di Uoli Spirit a-go kanchuol im fram im iina im mada beli.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Aks 28:25

So di liida dem staat aagyu mongks dem wan aneda an som a dem waak out afta di laas ting Paal se. Im did se, “Di Uoli Spirit did rait wen im did yuuz di prafit Aizaiya fi taak tu wi faada faada dem.

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Aks 15:28

Di Uoli Spirit tingk se it bes fi wi no put no muo presha pan unu dan wa wi bout fi tel unu nou, an wi tingk so tu.

Aks 13:4

Di Uoli Spirit sen out di tuu a dem an dem lef go dong a Siluukiya an fram de-so dem siel go Saipros.

Aks 7:55

Bot di Uoli Spirit tek kanchuol a Stiivn. Im faasn im yai op iina di skai an si Gad brait brait lait iina evn an Jiizas tan op a Gad rait-an-said.

Aks 5:3

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting?

Luuk 2:25

Nou yu did av wan man iina Jeruusilem niem Simiyan. Simiyan a did wan gud sumadi we riili did a liv fi Gad. Im did a wiet fi Gad frii Izrel fram sofarieshan an di Uoli Spirit did de wid im.

Matyu 1:18

Dis a ou Jiizas Krais did baan. Im mada Mieri did jos ingiej fi marid Juozif, dem neehn kom liv tugeda yet laik ozban an waif, bot dem fain se shi did av biebi iina beli, an a di Uoli Spirit did put di biebi de.

Jan 1:33

Az mi did se, mi neehn nuo uu di sumadi wuda did bi. Bot, yu si di wan we sen mi fi baptaiz piipl, im did tel mi se, ‘Di sumadi we yu baptaiz an we yu si di Spirit kom dong an lan pan, a im a di wan we gweehn baptaiz piipl iina di Uoli Spirit.’

Jan 14:25

“Mi a se dem sitn ya tu unu wail mi de mongks unu.