Jan 14:24 - Di Jamiekan Nyuu Testiment

²⁴ Sumadi we no lov mi, no du wa mi se. Di sitn dem unu ier mi se, a no mi kom op wid dem; a mi Faada, di wan we sen mi kom ya.

Jan 14:24 ပူးပေါင်းရင်းမြစ်များ

Matyu 19:21

So Jiizas se, “Ef yu waahn bi evriting we Gad waahn yu fi bi, gwaan go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Jan 14:10

Yu no biliiv se mi liv iina di Faada, an di Faada liv iina mi? Di sitn dem we mi se mi no jos se dem aafa mi uon. A di Faada we liv iina mi a du im wok.

Jan 14:15

“Ef unu lov mi fi chuu, unu gweehn du aal a wa mi tel unu fi du.

Jan 14:25

“Mi a se dem sitn ya tu unu wail mi de mongks unu.

Jan 3:11

Fi chuu chuu, mi a tel yu: wi taak bout di sitn dem we wi nuo bout, an wi taak bout di sitn dem we wi si fi wiself, bot unu piipl no tek wa wi se.

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Jan 5:19

So Jiizas tel dem se, “Mi de tel unu di chuut, di Bwai Pikni kyaahn du a ting pan im uon. Im onggl du wa im si'im Faada a du. Wat-eva di Faada du, di Bwai Pikni dwi'it tu.

Jan 5:38

An unu no tek iin wa im se bout mi iina unu aat, kaaz unu no chos iina di wan we im sen kom.

Jan 7:16

So Jiizas ansa dem an se, “A no mi mek op we mi tiich. A di wan we sen mi kom gi mi it fi tiich.

Jan 7:28

Da taim de, Jiizas did stil a tiich iina di yaad we Gad ous de. Im ier we di piipl dem did a se, so im baal out loud loud pan tap a im vais an se, “Unu nuo mi an unu nuo we paat mi kom fram! Mi no sen miself kom ya, bot unu kyan chos di wan we sen mi kom. Unu no nuo im,

Jan 8:26

“Mi av nof ada sitn fi se an fi joj unu fa, bot di Faada we sen mi taak di chuut, an a wa mi ier im se mi tel di piipl dem iina di worl.”

Jan 8:28

So Jiizas se, “Wen unu lif op di Man we Gad Pik pan di kraas, a dem taim de unu gweehn nuo se mi a uu mi se mi bi, an dat mi no du notn pan mi uon bot dat mi taak onggl wa mi Faada tiich mi.

Jan 8:38

Mi a tel unu we mi si wen mi de roun di Faada; bot unu, du wa unu ier di Faada se!”

Jan 8:42

Bot Jiizas se tu dem se, “Ef Gad did a unu Faada fi chuu, unu wuda lov mi, kaa mi kom fram Gad an nou mi de ya. Mi no kom ya pan mi uon; a im sen mi ya.