Jan 14:2 - Di Jamiekan Nyuu Testiment

² A nof ruum iina mi Faada ous. Ef a neehn so it go mi wudn se notn tu unu. Mi a go we fi fiks op wan plies fi unu.

Jan 14:2 ပူးပေါင်းရင်းမြစ်များ

2 Korintiyan 5:1

Wi nuo se wi badi a laik di ous dem we wi liv iina, dem naa go laas fi eva. An wi nuo se wen da badi ya mash op, Gad wi gi wi wan nyuu wan we im bil imself. Da badi de wi wi get wen wi riich a evn an it a-go laas fi eva.

Jan 13:36

Saiman Piita aks im se, “Laad, a we yu a go?” Jiizas ansa im se, “Yu kyaahn fala mi go wich paat mi a go rait ya nou, bot yu wi kom likl muo.”

Iibruu 13:14

Kaaz wi naa no siti we a-go laas fi eva ya-so, bot wi a luk fi di siti we a-go kom.

Revilieshan 21:2

Mi si di uoli siti, di nyuu Jeruusilem, a kom dong fram Gad outa evn. It did luk laik wan uman we jres op nais nais fi go a ar wedn fi miit di man we shi a-go marid.

Revilieshan 3:12

Evri wan a unu we biit di devl an no gi iin tu di sitn dem we im waahn unu fi du, mi a-go mek unu komiin laka wan impuotant kalom iina fi mi Gad ous, an unu naa go lef, unu a-go tan de fi eva an eva. An mi a-go rait fi mi Gad niem pan im, an mi a-go rait pan im Nyuu Jeruusilem, we a fi mi Gad siti niem. Da siti de kom fram Gad an a-go kom dong fram evn. An mi a-go rait dong fi mi nyuu niem pan im tu.

Iibruu 11:10

Iebriyam tan de kaaz im did a luk faawod fi wan siti we Gad did jraa op an bil. Da siti de tan op pan som chrang foundieshan.

Jan 13:33

“Mi pikni, mi a-go de ya wid unu fi onggl likl bit langga. Unu gweehn luk fi mi, bot jos laik wa mi did se tu di Juu liida dem mi a tel unu di sed ting, ‘Wich paat mi de go, unu kyaahn kom de.’

Jan 16:4

Mi a tel unu dem sitn ya, so dat wen di taim kom, unu wi memba se mi did waan unu. “Mi neehn tel unu bout aal a dem sitn ya fram di staat, kaa mi did stil de mongks unu.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Iibruu 6:20

A de-so Jiizas go tu. Im go de bifuo wi, so im kyan elp wi. An im ton wan liida fi di priis dem fi eva, jos laka Melkezidek.

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Iibruu 9:8

Di Uoli Spirit did a shuo se di wie fi get iina di riil tent, di Uoliyis Plies neehn uopm op yet, so langks di uol tent — di wan pan ort, did stil a yuuz.

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

1 Tesaluoniyan 5:9

Kaaz Gad neehn put wi ya, so im kuda mek wi sofa, bot im du wa im du so di Laad Jiizas Krais kuda siev wi.

Aks 9:16

Mi a-go shuo im umoch im afi go sofa fi fi mi siek.”

Jan 14:28

Unu ier mi tel unu se, ‘Mi a go we an mi a kom bak tu unu.’ Ef unu lov mi, unu wuda glad se mi a go a mi Faada, kaa mi Faada biga dan mi.

Luuk 14:22

“Di sorvant se, ‘Mi du wa yu aada mi fi du Sa, bot ruum de ya fi muo piipl.’