Jan 14:16 - Di Jamiekan Nyuu Testiment

¹⁶ An mi a-go aks mi Faada fi sen wan neda sumadi fi elp unu an de wid unu aal di taim.

Jan 14:16 ပူးပေါင်းရင်းမြစ်များ

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Jan 14:14

Unu kyan aks mi fi eniting kaa unu a mi falara, an mi wi gi'it tu unu.

Jan 14:18

“Mi naa go lef unu laik se unu a pikni widout no mada ar faada. Mi a kom bak tu unu.

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 16:22

A sed wie so it go wid unu: Unu iina pien nou, bot mi gweehn si unu agen, an unu a-go glad iina unu aat, an nobadi kyaahn go mek unu no api agen.

Jan 17:15

Mi naa prie an aks yu fi tek dem outa di worl, bot dat yu fi gyaad dem fram di wikid wan.

Jan 17:20

“Mi naa prie fi dem falara ya wan. Mi a prie fi dem we a-go biliiv iina mi wen dem ier wa dem falara ya se.

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Aks 1:4

Wan a di taim wen im did a iit wid dem im tel dem se, “Tan a Jeruusilem an wiet fi wa mi Faada pramis fi gi unu, di siem sitn we mi did tel unu bout.

Aks 13:52

An di choch piipl dem did wel api an di Uoli Spirit did tek kanchuol a dem.

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

Ruoman 5:5

An kaaz wi nuo se Gad a-go gi wi we im pramis, wi no afi wori. Wi no afi wori kaaz wi nuo se Gad lov wi. Im shuo wi umoch im lov wi wen im gi wi di Uoli Spirit.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Gyalieshan 5:22

Bot Gad Spirit kaaz fi im piipl fi lov evribadi an aalwiez api no mata wa. It kaaz dem fi liv gud wid piipl, no fi lov fait an fi aalwiez tek taim wid ada piipl. Di Spirit mek dem kain an mek dem eva a du gud fi piipl. It kaaz dem fi bi sumadi we piipl kyan chos.

Filipiyan 2:1

Krais Jiizas mek unu chrang, kaaz unu an im kluos. Im lov unu, so unu no afi wori bout notn. Unu an im Uoli Spirit a wan. Wen wan a unu a sofa di uol a unu fiil it. An unu kain tu unu wan aneda.

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

1 Jan 2:1

Mi pikni we mi lov, mi a rait dem sitn ya tu unu so unu wi no sin. Bot ef nobadi du sin, wi av sumadi we wi taak tu Faada Gad fi wi, Jiizas Krais we eva du wa rait.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

2 Jan 1:2

kaaz wi av di chuut iina wi an it a-go tan iina wi fi eva.