Jan 14:15 - Di Jamiekan Nyuu Testiment

¹⁵ “Ef unu lov mi fi chuu, unu gweehn du aal a wa mi tel unu fi du.

Jan 14:15 ပူးပေါင်းရင်းမြစ်များ

Matyu 10:37

“Enibadi we lov dem faada ar mada muo dan mi, no dizorv fi bi fi mi falara, an enibadi we lov dem bwai pikni ar gyal pikni muo dan mi, dem no fit fi bi fi mi falara niida.

Jan 8:42

Bot Jiizas se tu dem se, “Ef Gad did a unu Faada fi chuu, unu wuda lov mi, kaa mi kom fram Gad an nou mi de ya. Mi no kom ya pan mi uon; a im sen mi ya.

1 Korintiyan 16:22

Ef sumadi no lov di Laad, mi uop se Gad wi joj im an sen im fi ded. Kom wi Laad Kom!

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Ifiijan 6:24

Yu si aal uu lov wi Laad Jiizas Krais, mi prie se unu wi si ou Gad lov unu, iivn duo wi no dizorv it.

1 Piita 1:8

Unu neva si Jiizas yet, bot unu lov im siem wie; an iivn duo unu kyaahn si im nou wid unu yai dem, unu stil biliiv an chos iina im. An no wod no de we kyan mek piipl riili nuo ou glad an api unu bi!

2 Jan 1:6

Wen wi du wa Gad tel wi fi du, dat a lov, an fram lang lang taim im did tel wi fi lov wan aneda.