Jan 14:13 - Di Jamiekan Nyuu Testiment

¹³ An mi wi du eniting unu aks fa kaa unu a mi falara. Mi gweehn dwi'it so dat di Bwai Pikni kyan get fi shuo ou di Faada big an powaful.

Jan 14:13 ပူးပေါင်းရင်းမြစ်များ

Matyu 21:22

An eniting we unu prie an aks Gad fa, ef unu biliiv se im gu'unu, unu wi get it.”

Matyu 7:7

“Aks fi wa unu waahn an unu wi get it; luk fi wa unu waahn an unu wi fain it; nak pan di duor an it wi uopm op fu'unu.

Maak 11:24

A dat mek mi a tel unu se eniting unu prie an aks Gad fa, biliiv se im gi unu, an unu wi get it.

Luuk 11:9

“So, mi a tel unu. Aks fi wa unu waahn an unu wi get it, luk fi wa unu waahn an unu wi fain it; nak pan di duor an it wi uopm op.

Jan 10:30

Mi an di Faada a wan an di siem.”

Jan 12:44

Den Jiizas shout out pan tap a im vais an se, “Di sumadi we chos iina mi no chos iina mi wan, im chos iina di wan we sen mi kom ya tu.

Jan 13:31

Afta wen Juudas lef go we, Jiizas se, “Gad gweehn shuo ou di Man we im Pik big an powaful, an Gad gweehn yuuz im fi shuo ou im Gad big an powaful.

Jan 14:14

Unu kyan aks mi fi eniting kaa unu a mi falara, an mi wi gi'it tu unu.

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 15:7

Ef unu tan pan mi an ef wa mi se tan iina unu, aks fi eniting unu waahn, an unu wi get it.

Jan 16:23

Da taim de, unu naa go aks mi notn agen. Mi a tel unu fi chuu chuu se mi Faada gweehn gi unu eniting unu aks fa kaa unu a mi falara.

Jan 16:26

Da die de, unu gweehn aks fi tingz kaa unu a mi falara. Mi naa se mi gweehn aks mi Faada fi notn fi unu.

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

Jan 4:10

Jiizas ansa ar an se, “Ef yu did nuo bout di speshal sitn we Gad gi — Ef yu did nuo a uu de aks yu fi waata, yu wuda aks im fi waata, an im wuda gi yu it an mek yu liv wan nyuu saat a laif.”

Jan 4:14

bot enibadi we jringk di waata we mi gi'im naa go torsti agen. Yu si, di kain-a waata we mi a-go gi'im gweehn ton wan spring iina im, wan we no tap ron, an we kaaz im fi liv fi eva.”

Jan 5:19

So Jiizas tel dem se, “Mi de tel unu di chuut, di Bwai Pikni kyaahn du a ting pan im uon. Im onggl du wa im si'im Faada a du. Wat-eva di Faada du, di Bwai Pikni dwi'it tu.

Jan 7:37

Pan di laas an bigis die a di Ot Alidie, Jiizas get op an baal out pan tap a im vais, “Ef nobadi torsti, mek dem kom tu mi fi sitn fi jringk.

1 Korintiyan 14:13

So di piipl dem we a taak iina tongz shuda prie an aks Gad fi mek dem andastan wa dem a se.

Ifiijan 2:18

Siek-a Krais Jiizas, di Uoli Spirit mek aal a wi kyan go tu Faada Gad.

Ifiijan 3:12

Siek-a Jiizas an kaaz wi chos iina im, im mek wi kyan kom tu Gad frii an no fried a notn.

Ifiijan 3:14

Sins mi nuo aal a dis, mi go dong pan mi nii an prie tu faada Gad.

Filipiyan 4:13

Mi kyan du eniting, kaaz Krais Jiizas gi mi di powa fi du it.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

Iibruu 13:15

So siek-a we Jiizas du, mek wi priez Gad aal di wail. Wen wi priez Gad so, a sakrifais wi a sen op gi im. A wi aafrin dat wi a gi wid wi mout, an dat shuo se wi chos iina im, an wi a se im a fi wi Laad.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.

Iibruu 7:25

Piipl kyan kom tu Gad siek-a im an im kyan siev dem piipl de fi eva an eva. Im kyan siev dem fi eva kaaz im naa ded so im kyan aalwiez taak tu Gad fi dem.

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.

1 Jan 3:22

an eniting wi aks Gad fa im gi wi, kaaz wi du we im se wi fi du an wi du di sitn dem we wi nuo mek im api.

1 Jan 5:14

Wi shuor se Gad wi ier wi prieya wen wi aks im fi di sitn dem we im waahn wi fi aks fa.