Jan 14:12 - Di Jamiekan Nyuu Testiment

¹² Fi chuu chuu mi a tel unu se enibadi we biliiv iina mi a-go wok di powaful mirikl dem we mi a du. Dem aal a-go wok muo powaful mirikl dan wa mi du nou, kaa mi a go baka di Faada.

Jan 14:12 ပူးပေါင်းရင်းမြစ်များ

Matyu 21:21

Jiizas ansa bak, “Mi tel unu dis, an a chuu mi a taak, ef unu jos chos iina Gad likl, an no if-an-bot an wanda-wanda, unu naa go jos du wa mi du tu da fig chrii de, bot aal ef unu se tu da moutn ya, ‘Git op go fling yuself iina di sii, it wi apm.

Maak 11:13

Jiizas si wan fig chrii likl out fram we dem did de. It did kova op wid liif, so im go fi si ef no fig de pan it. Bot im neva fain non kaaz a neva fig taim yet.

Maak 16:17

Di wan dem we biliiv a-go get powa fi du dem sitn ya: dem wi yuuz fi mi niem an ron out diiman, dem wi taak som nyuu langwij,

Jan 14:28

Unu ier mi tel unu se, ‘Mi a go we an mi a kom bak tu unu.’ Ef unu lov mi, unu wuda glad se mi a go a mi Faada, kaa mi Faada biga dan mi.

Jan 16:7

Bot mi a tel unu fi chuu chuu se dat a fi fu'unu uona gud dat mi a go we. Kaa ef mi no go we, di Elpa naa go kom tu unu. Bot ef mi go we mi a-go sen im kom tu unu.

Jan 4:37

So a chuu sitn piipl a taak bout wen unu ier dem se, ‘Wan sumadi plaant siid, bot sumadi els gyada di fuud.’

Jan 5:20

Kaa di Faada lov di Bwai Pikni an di Faada shuo im evriting we im du. Im a-go shuo im iivn biga sitn dan dem ya — tingz we gweehn shak unu.

Jan 7:33

So Jiizas se, “A onggl likl bit muo taim mi gweehn de ya wid unu, an afta dat mi a-go bak tu di wan we sen mi kom ya.

Jan 7:39

(Nou, wen im se dat de, im did a taak bout di Spirit we di piipl dem we chos iina im wuda get lietaraan. Kaa op tu da taim de, nobadi neva get di Spirit, kaa Jiizas neehn get big op yet.)

Aks 10:46

Dem nuo se dem get di Uoli Spirit kaaz dem did ier di piipl we a no Juu a taak iina tongz an a priez Gad. Den Piita se,

Aks 16:18

Die afta die shi kip aan a du di siem ting. Bot Paal get riili riili beks. So im ton roun an se tu di spirit we did iina di gyal se, “Iina Jiizas Krais niem. Kom outa ar!” An di spirit kom out siem taim.

Aks 19:12

so dat aal korchiv an iepran we im did yuuz fi waip im fies an jrai im an, piipl kyari go gi di sik piipl dem an dem get beta, an di piipl dem we did av diiman — di diiman kom outa dem.

Aks 2:33

So Gad big op Jiizas an put im fi sidong a im rait an. An Faada Gad gi im Bwai Pikni di Uoli Spirit jos laik im did pramis. So aal wa unu a si an a ier ya nou, a Jiizas mek dem a apm.

Aks 2:41

Di wan dem we biliiv Piita mesij get baptaiz, an da die de, di Laad mek bout chrii touzn muor piipl jain di choch.

Aks 4:16

Dem aks, “Wa wi a-go du wid dem man ya? Evribadi we liv iina Jeruusilem si an nuo se a wan big mirikl dem man ya du tide, so wi kyaahn fuul nobadi se it neva apm.

Aks 4:33

Di apasl dem kip aan tel piipl iina wan powaful wie bout ou Jiizas kom bak alaiv, an ou Gad shuo dem nof nof lov, iivn duo dem no dizorv it.

Aks 4:4

Bot nof a di piipl dem we did ier di apasl dem mesij biliiv it. Di gruup a man dem we biliiv iina Jiizas nou a did bout faiv touzn.

Aks 5:15

Siek-a aal wa did a apm, piipl kyari out dem sik kom pudong iina di ruod pan dem chrecha so dat iivn Piita sheda kuda faal pan dem.

Aks 6:7

Gad mesij bout Jiizas pred muo an muo, an muo an muo piipl biliiv iina Jiizas an wan uol iip a di priis dem biliiv di Gud Nyuuz tu.

Aks 8:7

Wikid spirit baal out an kom outa nof piipl an nof kripl piipl an piipl we kudn muuv at aal get beta.

Aks 9:34

Piita se tu im se, “Ieniyas, Jiizas Krais mek yu beta! Git op an ruol op yu bed!” Siem taim Ieniyas get op.

Aks 9:40

Piita sen aal a dem outa di ruum. Den im go dong pan im nii an prie tu Gad. Den im ton tu di ded uman an se, “Tabita, git op!” Shi uopm op ar yai dem, an wen shi si Piita, shi sidong op.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.