Jan 14:11 - Di Jamiekan Nyuu Testiment

¹¹ Chos mi wen mi se mi liv iina di Faada an dat di Faada liv iina mi. An ef unu kyaahn biliiv mi siek-a wa mi se, den biliiv mi siek-a di mirikl dem we unu si.

Jan 14:11 ပူးပေါင်းရင်းမြစ်များ

Jan 10:25

So Jiizas se tu dem se, “Mi tel unu aredi, bot unu no biliiv. Di sopm dem we mi du kaa mi Faada tel mi fi du dem, dem shuo unu uu mi bi.

Jan 10:32

bot Jiizas se tu dem se, “Mi du nof powaful sitn we mi Faada tel mi fi du infronta unu yai. A wich wan a dem unu a stuon mi fa?”

Jan 10:38

Bot ef mi du wa im tel mi fi du, duo unu no biliiv mi siek-a wa mi tel unu, at liis biliiv mi siek-a di mirikl dem we mi du, so dat unu kyan nuo an andastan se di Faada iina mi, an mi iina di Faada.”

Jan 14:10

Yu no biliiv se mi liv iina di Faada, an di Faada liv iina mi? Di sitn dem we mi se mi no jos se dem aafa mi uon. A di Faada we liv iina mi a du im wok.

Jan 14:20

Wen da die de kom, unu a-go si se mi liv iina mi Faada, dat unu liv iina mi an dat mi liv iina unu.

Jan 5:36

“Bot sitn els de de we shuo uu mi bi an it wot muo dan we Jan se bout mi. A di sopm dem we mi Faada gi mi fi du — di siem wan dem we mi a du nou — a dem shuo se a di Faada sen mi kom.

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.